कोलकातानगरम्, २१ अप्रैलमासः (हि.स.)। पश्चिम-बङ्गाल-विधानसभा-निर्वाचनस्य मध्यकाले भारतीय-जनता-पक्षस्य नेता अनुरागठाकुरः कोलकाता-नगरे आयोजिते पत्रकार-वार्तायां उक्तवान् यत् अस्मिन् निर्वाचन-काले स्पर्धा “ममता बनर्जी-विरुद्धं जनता” इत्येव अस्ति। सः अवदत् यत् यदा जनाः स्वयमेव निर्वाचनं नियन्त्रयन्ति, तदा परिणामः एकपक्षीयः भवति।

राज्य-भाजपा-मुख्यालये आयोजिते संवाददाता-सम्मेलने तेन आरोपः कृतः यत् तृणमूल-काङ्ग्रेस-सर्वकारः तुष्टीकरण-भ्रष्टाचार-परिवारवाद-नीतिभिः राज्यं संचालितवान्, यस्य उत्तरं जनाः अस्मिन् निर्वाचने दास्यन्ति।

अनुराग-ठाकुरः उक्तवान् यत् यदि भाजपा-सर्वकारः आगच्छति तर्हि बेरोजगार-युवक-युवतीभ्यः मासिकं ३००० रूप्यकाणि आर्थिक-सहायता प्रदास्यते। तेन एक-कोटि-रोजगार-अवसराणां सृजनस्य, प्रतियोगी-परीक्षार्थिनां कृते आर्थिक-सहायतायाः, तथा नियुक्तिषु पारदर्शितायाः आश्वासनम् अपि दत्तम्।

सः राज्यस्य बेरोजगारी-स्थितिं आलोच्य अवदत् यत् पश्चिम-बङ्गाले बेरोजगारी-दरः अत्यधिकः अस्ति, तथा सहस्रशः युवानः रोजगारं न प्राप्नुवन्ति इति आरोपः कृतः।अस्मिन् अवसरे हर्षवर्धनशृंगला अपि उपस्थितः आसीत्, येन उत्तर-बङ्गालसहितेषु क्षेत्रेषु जनसमर्थनं वर्धमानम् इति उक्तम्।

कार्यक्रमानन्तरं अनुराग-ठाकुरः दल-नेतृभिः सह पारम्परिकं मत्स्य-भोजनं अपि कृतवान्।

हिन्दुस्थान समाचार / अंशु गुप्ता