Enter your Email Address to subscribe to our newsletters
सुपौलम्, 21 अप्रैलमासः (हि.स.)।
जिलान्तर्गत मरौना प्रखंड-क्षेत्रे स्थिते शिव-गुरु-सीएलएफ-केन्द्रे स्व-जनगणनायाः विषये जीविका-कैडरस्य एकदिवसीय-प्रशिक्षण-कार्यक्रमः आयोजितः। अस्य प्रशिक्षणस्य उद्देश्यं जीविका-दीदीभ्यः सामान्य-नागरिकेभ्यः च स्व-जनगणनायाः प्रक्रिया, महत्त्वं तथा सम्यक् क्रियान्वयनस्य ज्ञानं दातुम् आसीत्।
कार्यक्रमे प्रखण्ड-परियोजना-प्रबन्धकः मो. मज़हर क़ासिम तथा सामुदायिक-समन्वयकः सतीश कुमार शर्मा उभौ संयुक्तरूपेण प्रशिक्षणं संचालितवन्तौ। ताभ्यां विस्तरेण उक्तं यत् स्व-जनगणनया सामान्यजनाः स्वयमेव स्वसूचनाः अभिलेखयितुं शक्नुवन्ति, येन आँकडानां शुद्धता पारदर्शिता च वर्धते।
ताभ्यां प्रतिभागिभ्यः तन्त्रज्ञानसम्बद्धानि पक्षाणि सह फॉर्म-पूर्तेः प्रक्रिया अपि विवृता। प्रशिक्षणकाले जीविका-दीदीभ्यः उपस्थित-नागरिकेभ्यः च व्यवहारिक-अभ्यासः अपि कृतः, येन ते सहजतया स्व-जनगणनायाः प्रक्रियाम् अवगन्तुं शक्नुवन्ति तथा स्व-स्व-क्षेत्रेषु अस्य प्रचारं कर्तुं समर्थाः भवन्ति।
अस्मिन् अवसरे प्रतिभागिनां परीक्षणम् अपि कृतम्, येन तेषां बोधशक्ति-अध्ययनक्षमता च परीक्षिता। उपस्थिताः जीविका-दीदीः उक्तवन्त्यः यत् एतत् प्रशिक्षणं अत्यन्तोपयोगि आसीत्, येन ताभ्यः नूतनं ज्ञानं प्राप्तम्, यत् ताः ग्रामेषु प्रसारयिष्यन्ति।
अन्ते कार्यक्रमे उपस्थितैः अधिकारिभिः सर्वेभ्यः आह्वानं कृतं यत् ते स्व-जनगणनायां सक्रियतया भागं गृह्णन्तु, येन शुद्ध-आँकडानां आधारेण विकास-योजनानां श्रेष्ठं क्रियान्वयनं सम्भवेत्।
हिन्दुस्थान समाचार