उज्जयिनी-नगरम्, २२ अप्रैलमासः (हि.स.)। भोजपुरी-हिन्दी-चलच्चित्रयोः प्रसिद्धः अभिनेता तथा गोरखपुर-क्षेत्रात् सांसद् रवि-किशन बुधवासरे प्रातःकाले बाबा-महाकालस्य दरबारं प्राप्तवान्। विश्वप्रसिद्धे श्री-महाकालेश्वर-मन्दिरे भस्म-आरार्तिक्या: अनन्तरं सः विधि-विधानपूर्वकं पूजन-अर्चनं कृत्वा भगवत: महाकालस्य आशीर्वादं प्राप्तवान्।

मन्दिरं प्राप्य सः नन्दी-मण्डपे पूजां कृतवान् तथा पारम्परिक-मान्यतां अनुसृत्य नन्दी-देवस्य कर्णे स्व-मनोकामनां उक्तवान्। ततः च रजत-द्वारतः गर्भगृहस्य द्वारे मस्तकं नत्वा भगवत: महाकालस्य दर्शनं कृत्वा जलार्पणं कृतवान् तथा श्रद्धया जपं कृतवान्। सः प्रायः पञ्चदश-निमेष-पर्यन्तं मन्दिर-परिसरे स्थित्वा देशस्य, प्रदेशस्य विशेषतः स्व-सांसदीय-क्षेत्रस्य गोरखपुरस्य च सुख-समृद्धये प्रार्थनां कृतवान्।

दर्शनानन्तरं पत्रकारै: सह संवादे रवि-किशन स्वं भाग्यशालिनं निरूपितवान्। सः अवदत् यत् बाबा-महाकालस्य चरणयोः आगमनस्य प्रत्येकम् अवसरः जीवनं धन्यं करोति। सः ‘देवतुल्य’ जनानां स्वास्थ्यं, सुख-समृद्धिं च देशस्य उज्ज्वल-भविष्यं च कामयमानः विश्वासं व्यक्तवान् यत् महाकालस्य आशीर्वादेन भारतं निरन्तरं प्रगतिपथे अग्रे गमिष्यति। मन्दिर-प्रबन्ध-समित्या तस्य शाल-श्रीफलाभ्यां सत्कारः अपि कृतः।

भस्म-आरार्तिक्यां महाकालस्य दिव्यं स्वरूपम्

बुधवासरे प्रातःकाले सम्पन्नायां भस्म-आरार्तिक्यां भगवत: महाकालस्य भव्यः श्रृङ्गारः कृतः। मन्दिर-कपाटोद्धाटनानन्तरं पूजारिभिः पञ्चामृतेन अभिषेकः कृतः, अनन्तरं भाङ्ग-चन्दन-सिन्दूर-आभरणैः अलङ्करणं कृतम्। शेषनागस्य रजत-मुकुटेन, मुण्डमालया, रुद्राक्ष-मालाभिः च सुसज्जितं तद् दिव्यं स्वरूपं श्रद्धालून् मोहितवान्। भस्म-अर्पण-परम्परया सह आरती सम्पन्ना, यस्याम् अनेके श्रद्धालवः सहभागीभूत्वा पुण्य-लाभं प्राप्तवन्तः। मान्यता अस्ति यत् भस्म-अर्पणानन्तरं भगवान् महाकालः निराकारात् साकार-रूपेण भक्तेभ्यः दर्शनं ददाति। सम्पूर्णे मन्दिर-परिसरे ‘जय महाकाल’ इति घोषैः वातावरणं गुंजितम् आसीत्।

हिन्दुस्थान समाचार / अंशु गुप्ता