कोलकाता, 22 अप्रैलमासः (हि. स.)।पश्चिमबङ्गविधानसभानिर्वाचनकाले मतदानस्थितेः अवलोकनार्थं निर्वाचनआयोगः अन्ताराष्ट्रियप्रतिनिधिमण्डलं राज्ये आनयति। आयोगस्य सूत्राणां अनुसारं, प्रथमचरणमतदानात् एकदिनपूर्वं एतत् मण्डलं पश्चिमबङ्गं प्राप्स्यति। गुरुवासरे प्रतिनिधिमण्डलं मतदानप्रक्रियायाः सुरक्षाव्यवस्थायाश्च निरीक्षणं करिष्यति। उक्तं यत् पश्चिमबङ्गेन सह तमिलनाडुराज्यस्य अपि भ्रमणं आयोज्यते।

अस्मिन् मध्ये आयोगेन 29 एप्रिलतिथौ भविष्यतः द्वितीयचरणविधानसभानिर्वाचनार्थं कुलं द्विसहस्रं त्रिशतैकविंशतिः (2321) केन्द्रीयबलकम्पन्यः नियुक्ताः इति घोषिता। मङ्गलवासरे प्रकाशितसूचनानुसारं सर्वाधिकाः 507 कम्पनीः उत्तरचतुर्विंशतिपरगणाजिले नियुक्ताः भविष्यन्ति।

प्रथमचरणार्थं आयोगेन द्विसहस्रं चतुःशतसप्त (2407) केन्द्रीयबलकम्पन्यः नियुक्ताः। अस्मिन् चरणे सर्वाधिकाः 316 कम्पनीः मुर्शिदाबादजनपदे स्थापिताः। तेषु 240 कम्पनीः मुर्शिदाबादपुलिसजिले तथा 76 कम्पनीः जंगीपुरक्षेत्रे सन्ति।

द्वितीयचरणे जिलानुसारं नियुक्तिः — उत्तरचतुर्विंशतिपरगणाजिले बारासतपुलिसजिले 112 कम्पनीः, बनगांवक्षेत्रे 62, बसिरहाटे 123, विधाननगरक्षेत्रे 50, बैरकपुरे 160 कम्पनीः नियुक्ताः भविष्यन्ति। दक्षिणचतुर्विंशतिपरगणाजिले सुन्दरबनक्षेत्रे 113 कम्पनीः, बारुईपुरे 161, डायमण्डहार्बरक्षेत्रे 135 कम्पनीः नियुक्ताः भविष्यन्ति।

हावड़ाजिले ग्रामीणक्षेत्रे 147 कम्पनीः तथा हावड़ापुलिसायुक्तालयक्षेत्रे 110 कम्पनीः नियुक्ताः। नदियाजिले कृष्णनगरपुलिसजिले 158 कम्पनीः तथा राणाघाटपुलिसजनपदे 127 कम्पनीः भविष्यन्ति। हुगलीजिले चन्दननगरपुलिसायुक्तालयक्षेत्रे 83 कम्पनीः तथा हुगलीग्रामीणक्षेत्रे 234 कम्पनीः नियुक्ताः।

पूर्वबर्धमानजिले कुलं 4465 मतदानकेन्द्राणि सन्ति, अत्र 260 कम्पनीः केन्द्रीयबलस्य नियुक्ताः। पश्चिमबर्धमानजिले आसनसोल-दुर्गापुरपुलिसायुक्तालयक्षेत्रे 195 मतदानकेन्द्राणि सन्ति, अत्र 13 कम्पनीः नियुक्ताः भविष्यन्ति।

कोलकातानगरे 5172 मतदानकेन्द्रेषु सुरक्षार्थं 273 कम्पनीः केन्द्रीयबलस्य नियुक्ताः भविष्यन्ति। आयोगेन उक्तं यत् प्रत्येकस्याः केन्द्रीयबलकम्पन्याः न्यूनतमं 72 जवानाः भविष्यन्ति। अस्य विषये केन्द्रीयगृहमन्त्रालयेन पूर्वमेव निर्देशाः प्रदत्ताः।

हिन्दुस्थान समाचार