Enter your Email Address to subscribe to our newsletters
नवदेहली-नगरम्, २२ अप्रैलमासः (हि.स.)। अमेरिकी-राष्ट्रपतिना डोनाल्ड-ट्रंप द्वारा होर्मुज-स्ट्रेट्-क्षेत्रे निरुद्ध-स्थिति: यथावत् स्थास्यति इति घोषणा कृता। अस्मात् कारणात् अन्ताराष्ट्रिय-विपणे अपक्वतैलस्य भावः अधुना पुनः उर्ध्वगामित्वं प्राप्तवान्।
ट्रम्प इत्यस्य उक्तेः पश्चात् ईरानी-पक्षेण अपि स्पष्टं कथितं यत् यदि नाकेबन्दी निरन्तरा भवति तर्हि शान्ति-वार्तायां भागग्रहणं न करिष्यते। अनेन पश्चिम-एशियायां बुद्ध: अधिकः वर्धितः, तथा अपक्वतैलस्य आपूर्तिं प्रति पुनः अनिश्चितता उत्पन्ना।
अस्य परिणामतः ब्रेन्ट-क्रूड्-तैलम् ९९.२४ डॉलर्स-स्तरात् आरभ्य शीघ्रमेव १००.३२ डॉलर्स प्रति बैरल-स्तरं प्राप्तवत्। पश्चात् अल्प-न्यूनतां दृष्ट्वा अपि सः पुनः ९९.७८ डॉलर्स-पर्यन्तं व्यापारं कृतवान्। अन्यतः वेस्ट-टेक्सास्-इंटरमीडिएट् क्रूड् अपि ९०.३८ डॉलर्स-स्तरं अतिक्रम्य ९१.४१ डॉलर्स-पर्यन्तं गतः, पश्चात् ९०.६८ डॉलर्स-स्तरे स्थितः।
विशेषज्ञानां मतम् अस्ति यत् होर्मुज-स्ट्रेट्-मार्गे संभावित-निरोध: तथा निरन्तर-युद्धं वैश्विक-ऊर्जा-आपूर्त्यां गम्भीरं प्रभावं जनयति। अनेन कारणेन अपक्वतैलस्य मूल्ये तीव्र-आरोहावरोह: दृश्यते।
तेषां अनुसारं यदि पश्चिम-एशियायां युद्धं दीर्घकालं यावत् स्थास्यति, तर्हि वैश्विक-विपणे अपक्वतैलस्य मूल्यं पुनः अधिकं वर्धितुं शक्यते।
-----------
हिन्दुस्थान समाचार / अंशु गुप्ता