Enter your Email Address to subscribe to our newsletters
अनूपपुर-जनपदः, २२ अप्रैलमास: (हि.स.)। मध्यप्रदेशस्य अनूपपुर-जनपदे उष्णतायाः प्रकोपः निरन्तरं वर्धते, यस्य कारणात् जनजीवनं प्रभावितम् अस्ति। अस्यां भीषण-उष्णतायां विद्यालयेषु अध्ययनरताः छात्राः अपि प्रभाविताः सन्ति। कलेक्टरः हर्षल-पंचोली इत्यस्य निर्देशानुसारं जिला-शिक्षा-अधिकारी टी.आर. आर्मो मङ्गलवासरस्य रात्रौ नवीनम् आदेशं निर्गतवान्, यस्मिन् २२ तः ३० अप्रैल-पर्यन्तं कक्षा ५ पर्यन्तानां सर्वेषां विद्यालयानां कृते अवकाशः घोषितः।
कक्षा ६ तः १२ पर्यन्तं कक्षाः प्रातः ०७ वादनात् १२ वादनपर्यन्तं यथावत् भविष्यन्ति। जनपद-शिक्षा-अधिकारी उक्तवान् यत् दिवसे तापमानस्य निरन्तर-वृद्धेः कारणेन शिक्षण-संस्थासु अध्ययनरत-छात्राणां स्वास्थ्ये प्रतिकूल-प्रभावस्य सम्भावना दृष्ट्वा प्री-प्राथमिक-श्रेणितः कक्षा ५ पर्यन्तं शासकीय-अशासकीय-केन्द्रीय-विद्यालयेषु, सी.बी.एस.ई-तथा अन्य-मान्यताप्राप्त-विद्यालयेषु अध्ययनरत-छात्राणां कृते अवकाशः घोषितः।
कक्षा ६ तः १२ पर्यन्तं छात्राणां कृते अध्यापन-समयः यथावत् प्रातः ०७ वादनात् १२ वादनपर्यन्तं भविष्यति। शिक्षकाः विद्यालयेषु नामाङ्कनम्, अपार-आईडी, सायकल-तथा पुस्तक-सम्बद्धां सूचनां ऑनलाइन-पटले पूर्णं करिष्यन्ति। शासनदत्ताः पूर्व-निर्धारिताः परीक्षाः अन्ये च आवश्यक-कार्यक्रमाः यथानिर्धारित-समयसारण्यां संचालिताः भविष्यन्ति। अयं आदेशः त्वरित-प्रभावेण प्रवर्तते।
मङ्गलवासरे जनपदे ३९ डिग्री सेल्सियस-पर्यन्तं तापमानं अभिलेखितम्। ऋतु-विभागस्य अनुसारं बुधवासरे अधिकतम-तापमानं ४० डिग्री तथा न्यूनतम-तापमानं २२ डिग्री सेल्सियस-पर्यन्तं भविष्यति इति अनुमानम्।
हिन्दुस्थान समाचार / अंशु गुप्ता