नव दिल्ली, 22 अप्रैलमासः (हि.स.)। जल शक्ति मंत्रालयेन घोषितं यत् नवमः “भारतीय-अन्ताराष्ट्रिय-जल-सप्ताहः २०२६” आगामी-सेप्टेम्बर-मासस्य २२-तारिखात् २६-तारिखपर्यन्तं भारत मंडपम-स्थले आयोज्यते। अस्य वर्षस्य मुख्य-विषयः “जलवायु-संवेदनशील-जल-प्रबन्धनम्” भविष्यति, येन पूर-प्रकोपः, अनियमित-वृष्टिः तथा जल-संकटम् इत्यादीनां समस्याः समाधानं कर्तुं शक्यन्ते। कार्यक्रमे जल-संरक्षणम्, कुशल-उपयोगः तथा सतत-प्रबन्धनम् इत्यादिषु विषयेषु चर्चाः भविष्यन्ति।

अस्मिन् अवसरे बुधवासरे श्रम शक्ति भवन-स्थले आयोजिते कार्यक्रमे केन्द्रीय-जल-शक्ति-मन्त्री सीआर पाटिल-महाभागेन औपचारिकतया “इण्डिया-इण्टरनेशनल-वाटर-वीक-२०२६” उद्घाटितः।

पाटिलेन पत्रकार-वार्तायां उक्तं यत् अस्य कालावधौ द्वितीयः “इण्टरनेशनल-वॉश-कॉन्फरेन्स्” अपि सेप्टेम्बर २२-तारिखात् २४-दिनांकपर्यन्तं तत्रैव आयोज्यते। अस्मिन् सम्मेलनः विशेषज्ञाः, शोधकर्तारः, राज्य-सरकाराः, केन्द्रीय-मन्त्रालयानि तथा अराजकीय-संस्थाः सहभागित्वं वहिष्यन्ति। तेन उक्तं यत् जल-उपलब्धिः निरन्तरं क्षीयते, अतः उपभोग-न्यूनता, संरक्षण-वृद्धिः तथा जल-सञ्चयनस्य व्यापक-प्रवर्तनम् अत्यावश्यकम् अस्ति।

भविष्यत्-आह्लानान् निर्दिश्य तेन उक्तं यत् जनसंख्या-वृद्ध्या औद्योगिक-विस्तारेण च जल-संसाधनानां उपरि भारो वर्धिष्यते। सरकारेण नदी-जलाशयानां स्वास्थ्य-सुधारणाय बहवः परियोजनाः सञ्चालिताः, यासु यमुना नदी-पुनरुद्धारः तथा अमृत-सरोवर-परियोजना अपि अन्तर्भवतः।

तथैव जल जीवन मिशन-इति योजना २०२८-वर्षपर्यन्तं विस्तारिताऽस्ति, येन सर्वेषां ग्रामीण-गृहाणां प्रति नल-जलस्य आपूर्तिः सुनिश्चितुं शक्यते।

जल-संसाधन-विभागस्य सचिवः वी.एल.-कंठा-रावः उक्तवान् यत् एषा प्रथमवारम् यदा कार्यक्रमः “इण्डिया-इण्टरनेशनल-वाटर-वीक” इति नाम्ना आयोजितः भविष्यति, तथा अस्मिन् वर्षे अन्ताराष्ट्रिय-सहभागिता अधिका भविष्यति। तेन उक्तं यत् सम्मेलनः तांत्रिक-सत्राणि, प्रदर्शनीं क्षेत्रीय-अवलोकन-यात्राः च समावेशयिष्यति।

अस्मिन् कार्यक्रमे शासन-व्यवस्था, संसाधन-अनुकूलनम्, प्रौद्योगिकी-उपयोगः, सामुदायिक-सहभागिता, जलवायु-संकट-प्रबन्धनम् तथा वित्तीय-तन्त्राणि इत्यादिषु विषयेषु विस्तृताः चर्चाः भविष्यन्ति।।

---------------

हिन्दुस्थान समाचार