Enter your Email Address to subscribe to our newsletters
नव दिल्ली, 22 अप्रैलमासः (हि.स.)। प्रसार भारती-संस्थया कर्नाटक-राज्यस्य धारवाड़-स्थितस्य आकाशवाणी-क्षेत्रीय-केंद्रस्य बेंगलुरु-नगरं प्रति स्थानान्तरणस्य पूर्वनिर्णयः प्रत्याहृतः। अधुना एतत् केन्द्रं उत्तर-कर्नाटक-जनानां भावनानां अपेक्षाणां च अनुकूलतया धारवाड़े एव सञ्चालितं भविष्यति।
एषः निर्णयः धारवाड़-क्षेत्रस्य सांसदेन तथा केन्द्रीय-मन्त्रिणा प्रह्लाद जोशिना कृतस्य हस्तक्षेपस्य अनन्तरं गृहीतः। तेन एतत् विषयं केन्द्र-सरकारस्य पुरतः प्रस्तुत्य क्षेत्रीय-महत्त्वं जनभावनाश्च अवगताः कृताः।
पूर्वं प्रसार-भारत्याः सक्षम-प्राधिकारेण अस्य क्षेत्रीय-केंद्रस्य बेंगलुरु-नगरं प्रति स्थानान्तरणस्य निर्णयः कृतः आसीत्, यस्य उत्तर-कर्नाटक-जनैः तीव्र-विरोधः कृतः। ततः स्थानीय-जनाः प्रह्लाद-जोशीं प्रति हस्तक्षेपाय निवेदनं कृतवन्तः।
मामले गंभीरतया ग्राह्ये सति प्रह्लाद-जोशिना केन्द्रीय-सूचना-प्रसारण-मन्त्रिणा अश्विनी वैष्णव-सह सम्पर्कः कृतः, तथा धारवाड़-केंद्रस्य तत्रैव स्थितिं स्थापयितुं निवेदनं कृतम्। तेन केन्द्रस्य कार्य-क्षेत्रस्य क्षेत्रीय-आवश्यकतायाः च महत्त्वं विस्तरेण निरूपितम्।
अस्मिन् विषये सकारात्मक-प्रतिक्रियां दत्त्वा अश्विनी-वैष्णवेन प्रसार-भारत्यै निर्देशः दत्तः यत् आकाशवाणी-केंद्रं धारवाड़े एव अवशिष्टं भवेत्।
अस्यानन्तरं प्रह्लाद-जोशिना नरेन्द्र मोदी तथा अश्विनी-वैष्णवस्य प्रति उत्तर-कर्नाटक-जनानां पक्षतः कृतज्ञता व्यक्ता। तेन उक्तं यत् एषः निर्णयः क्षेत्रस्य सांस्कृतिक-भाषिक-परिचयस्य संरक्षणाय महत्त्वपूर्णः पादः अस्ति।
-----------------
हिन्दुस्थान समाचार