Enter your Email Address to subscribe to our newsletters
काठमाण्डू-नगरम्, २२ अप्रैलमासः (हि.स.)। नेपाल-देशस्य राष्ट्रपतिः रामचन्द्र-पौडेलः संघीय-संसदः संयुक्त-अधिवेशनं ३० अप्रैलमासे अपराह्णे २ वादने आहूतवान्। मङ्गलवासरे आयोजितायाः मन्त्रिपरिषदः-सभायाः सिफारिशानन्तरं राष्ट्रपतिना बुधवासरे संसदः द्वयोः सदनयोः संयुक्त-अधिवेशनस्य आह्वानं कृतम्।
नेपाल-संसदः एतत् अधिवेशनं वित्तविवरण-सत्रम् अपि अस्ति। प्रथम-दिने संयुक्त-संसदि राष्ट्रपतिः सम्बोधनं करिष्यति, यस्मिन् सः सर्वकारस्य नीति-कार्यक्रमं प्रस्तोष्यति। तेन सह वित्तविवरण-सत्रस्य औपचारिक-आरम्भः भविष्यति।
वित्त-मन्त्रालयस्य अधिकारिणां अनुसारं सर्वकारेण अस्मिन् वर्षे २९ मे मासे अग्रिम-आर्थिक-वर्षस्य वित्तविवरणं संसदि प्रस्तोतुं योजना कृता अस्ति। वित्तविवरण-प्रस्तुतेः पूर्वं पूर्व-वित्तविवरण-चर्चा अपि क्रियते। वित्तविवरण-निर्माणाय वित्तमन्त्रिणा सर्वकारी-अधिकारिणां दलं निर्मितम् अस्ति, यत् अहर्निशं कार्यं कुर्वत् वित्तविवरण-निर्माणे संलग्नम् अस्ति।
नेपाल-देशे संवैधानिक-प्रावधानानुसारं सर्वकाराय ३० मे मासपर्यन्तं वित्तविवरण-प्रस्तुतिः अनिवार्या अस्ति। प्रतिनिधि-सभायां वित्तविवरण-प्रस्तुतेः पश्चात् तस्मिन् विस्तृत-चर्चां कृत्वा तत् पारितं भूत्वा उच्च-सदने प्रस्तुतं भविष्यति। द्वयोः सदनयोः सामान्य-बहुमतेन पारितस्य पश्चात् १५ जुलाईतः तत् प्रवर्तिष्यते।
-----------
हिन्दुस्थान समाचार / अंशु गुप्ता