Enter your Email Address to subscribe to our newsletters
- ५० सहस्रमहिलानां सहभागितायाः लक्ष्यं, सङ्घटनेन निर्मिता व्यापिका रणनीतिः, अष्टसु विधानसभाक्षेत्रेषु वरिष्ठपदाधिकारिभ्यः दत्तं उत्तरदायित्वम्
वाराणसी, 22 अप्रैलमासः (हि.स.)।
प्रधानमन्त्रिणः नरेन्द्र मोदिनः २८ अप्रैल-दिनाङ्के प्रस्तावितं काशी-प्रवासं लक्षीकृत्य भाजपा-सङ्घटनेन महिलामोर्चा-दलेन च सज्जाः तीव्रीकृताः। दलस्य जनपद-महानगर-इकाईभिः महिलासम्मेलनम् ऐतिहासिकं विधातुं 'बूथ' स्तरं यावत् जनसम्पर्क-अभियानस्य सञ्चालनाय रणनीतिः निर्मिता।
बुधवासरे सायङ्काले भाजपा-काशीक्षेत्राध्यक्षः दिलीप पटेलः सूचितवान् यत् प्रधानमन्त्री २८ एप्रिल-दिनाङ्के अपराह्णे काशीं प्राप्स्यति, यत्र सः 'बनारस लोकोमोटिव वर्क्स' इत्यत्र कोटिशः रूप्यकाणां परियोजनानां लोकार्पणं शिलान्यासं च करिष्यति, ततः परं च विशालं महिलासम्मेलनं सम्बोधयिष्यति। प्रधानमन्त्रिणः रात्रि-विश्रामः काश्यामेव भविष्यति।
२९ अप्रैल-दिनाङ्के पूर्वाह्णे प्रधानमन्त्री तिब्बती-संस्थानस्य 'रिम्पा सेंगपा' चिकित्सालयस्य आयुर्विज्ञान-महाविद्यालयस्य च उद्घाटनं करिष्यति, ततः परं च हरदोई-जनपदे गङ्गा-एक्सप्रेस-वे इत्यस्य उद्घाटनाय प्रस्थास्यति। दिलीप पटेलः अवदत् यत् २०१४ तः अधुना यावत् प्रधानमन्त्रिणा महिलानां सशक्तिकरणाय, आत्मनिर्भरतायै, सामाजिक-राजनैतिक-सहभागितायै च अनेके ऐतिहासिकाः पदक्षेपाः स्वीकृताः। सः मातृशक्तिम् आह्वानं कृतवान् यत् अयं सम्मेलनः सम्पूर्णदेशे नारीशक्तेः सन्देशं दास्यति।
सः अवदत् यत् महिलासम्मेलने ५० सहस्रतः (५०,०००) अधिकानां महिलानां सहभागितां सुनिश्चेतुं जनपदस्य अष्टसु विधानसभासु वरिष्ठपदाधिकारिभ्यः उत्तरदायित्वं प्रदत्तम्। अस्य अन्तर्गतम् -
रोहनिया-विधानसभा - जनपदपञ्चायताध्यक्षा पूनम मौर्या।
सेवापुरी-विधानसभा - महिलामोर्चा-जनपदाध्यक्षा विनीता सिंह।
अजगरा-विधानसभा - पूर्वजनपदपञ्चायताध्यक्षा अपराजिता सोनकर।
दक्षिणी-विधानसभा - क्षेत्रीयपदाधिकारिणी पूजा दीक्षित।
उत्तरी-विधानसभा - खुशबू सिंह।
कैण्ट-विधानसभा - भाजपानेत्री निर्मला सिंह पटेल।
सङ्घटनानुसारं मण्डलेषु गोष्ठीनां क्रमः पूर्णः जातः, अधुना च महिलामोर्चा-दलस्य समूहाः बूथ-स्तरे गृहं-गृहं गत्वा महिलाः सम्मेलने भागं ग्रहीतुम् आमन्त्रयिष्यन्ति।
हिन्दुस्थान समाचार