Enter your Email Address to subscribe to our newsletters
—काशीं प्रकाशयितुं सज्जा ,केंद्रीयनिर्देशनद्वारा निरीक्षणं, मतदानकेंद्रशो महापौरः स्वयं करिष्यते स्वच्छतायाः व्यवस्थायाः निरीक्षणम्
वाराणसी, 22 अप्रैलमासः (हि.स.)। नरेन्द्र मोदिनः आगामी-अप्रैल-मासस्य २८ दिनांके प्रस्तावितस्य वाराणसी-नगर-आगमनस्य निमित्तं नगरे महा-स्वच्छता-अभियानस्य आयोजनाय सज्जता क्रियते। नगरं वीवीआईपी-गमनाय अनुकूलं स्वच्छं सुन्दरं च कर्तुं वाराणसी-नगर-निगमेन बुधवासरे उच्च-सतर्कता-घोषणा कृता, तथा स्वच्छता-व्यवस्था, प्रकाश-व्यवस्था, जन-सुविधानां च विषये विशेष-कार्ययोजना निर्मिता। अस्याः योजनायाः अन्तर्गतं अद्यप्रभृति एक-सप्ताहपर्यन्तं सर्वेषु मतदानकेंद्रेषु महा-स्वच्छता-अभियानं चालयिष्यते, यस्य निरीक्षणं प्रत्यक्षं सेंट्रल-कमाण्ड-द्वारा भविष्यति।
अस्य महाअभियानस्य विषये महापौरः अशोक-तिवारी सिगरा-स्थिते स्मार्ट-सिटी-सभागारे वरिष्ठ-अधिकारिभिः सह समीक्षा-सभां कृतवान्। सभायां महापौरः स्पष्टं निर्देशं दत्तवान् यत् नगरस्य स्वच्छतायां नागरिक-सुविधासु च किञ्चिदपि प्रमादः न सह्यः। वीआईपी-आगमनकाले व्यवस्थासु काचिदपि त्रुटिः न भवेत्।
— मार्गेषु स्वयम् उपस्थिताः भविष्यन्ति महापौरः उच्च-अधिकारीणश्च। आगामि-सप्ताहे प्रतिदिनं प्रातः ७.३० वादनात् ९ वादनपर्यन्तं चलितस्य अस्य महाअभियानस्य निरीक्षणं महापौरः स्वयमेव करिष्यति। सः प्रतिदिनं एकं वार्डं निरीक्ष्य गमिष्यति। अस्मिन् काले क्षेत्रीय-पार्षदाः विभागीय-अधिकारिणश्च अनिवार्यतया उपस्थिताः भविष्यन्ति, येन वार्ड-स्तरे स्वच्छता-व्यवस्था सुदृढा क्रियते।
— शेष-प्रकरणानां निस्तारणाय सप्त-दिनस्य समयसीमा निर्दिष्टा। प्रशासनिक-कार्येषु विलम्बं निवारयितुं महापौरेण जोनल-अधिकारिभ्यः कठोर-निर्देशाः दत्ताः यत् दाखिल-खारिज (म्यूटेशन) तथा जन्म-मृत्यु-प्रमाणपत्र-संबद्धाः सर्वे लम्बित-आवेदनाः आगामी-सप्त-दिनेषु विशेष-अभियानेन पूर्णतया निस्तारिताः भवन्तु। कस्यचित् अपि आवेदनस्य लम्बनं न भवेत्। तदतिरिक्तं सर्वेषां वॉटर-एटीएम-यन्त्राणां सुचारु-चालनं तथा सर्वेषां मार्गदीपानां जीर्णोद्धारं कर्तुं निर्देशाः दत्ताः।
— अनाथ-पशूनां नियन्त्रणं नगर-सुन्दरीकरणं च। वीआईपी-मार्गान् प्रमुख-मार्गान् च स्वच्छान् कर्तुं नगर-स्वास्थ्य-अधिकारी प्रति निर्देशः दत्तः यत् प्रतिदिनं जल-छिड़काव-यन्त्रैः मार्ग-धावनं क्रियेत। तथा च सीवर-प्रवाहस्य अवरोधः न भवेत् इति कारणेन जलकल-विभागः सजगः भवेत् इति अपि निर्देशः। नगर-सौन्दर्य-वर्धनाय मूर्तीनां नियमित-स्वच्छता तथा प्रमुख-चौराहेषु शोभन-गमल-स्थापनस्य व्यवस्था क्रियते।
नगरस्य मार्गेषु अनाथ-पशु-समस्याया निवारणार्थं विशेष-समूहः गठितः, ये मार्गेषु नियुक्ताः भविष्यन्ति। अस्यां सभायां नगर-आयुक्तः हिमांशु-नागपालः, अपर-नगर-आयुक्ता सविता-यादवः, अमित-कुमारः, विनोद-कुमार-गुप्तः इत्यादयः अधिकारिणः उपस्थिताः आसन्।
हिन्दुस्थान समाचार