पिथौरागढ़-जनपदः, २२ अप्रैलमासः (हि.स.)। लिपुलेख-दर्रस्य माध्यमेन भारत-चीन-सीमा-व्यापारः वर्षे २०२६ तमे जून-मासस्य प्रथम-सप्ताहात् आरभ्य सितम्बर-मासपर्यन्तं प्रवर्तिष्यते। विदेश-मन्त्रालयात् अनुमतिः प्राप्ता इति कारणेन जनपद-प्रशासनेन सज्जताः अन्तिमरूपेण दातुं आरब्धाः।

भारत-चीन-सीमा-व्यापारस्य पुनरारम्भ-सम्बद्ध-सज्जानां विषये बुधवासरे जनपदाधिकारी आशीष-भटगांई-अध्यक्षतायां जनपद-कार्यालय-सभागारे समीक्षा-सभा आयोजिता। विदेश-मन्त्रालयात् लिपुलेख-दर्रस्य माध्यमेन व्यापारारम्भाय अनापत्तिः प्राप्ता इति पश्चात् प्रशासनम् अन्तिम-सज्जा: आरब्धवान्।

सभायाम् उक्तं यत् प्रस्तावितं व्यापार-सत्रं मौसम-अनुकूलतायाः आधारेण आवश्यकतायां सति विस्तारयितुं शासनाय प्रस्तावः प्रेषयितुं शक्यते। जनपदाधिकारी उक्तवान् यत् पूर्ववत् एव व्यापार-सञ्चालनं भविष्यति तथा च सर्वाः व्यवस्थाः विदेश-मन्त्रालयस्य दिशा-निर्देशानुसारं स्युः।

जनपदाधिकारी सम्बद्ध-विभागेभ्यः निर्देशान् दत्तवान् यत् व्यापारारम्भात् पूर्वं मार्ग-सञ्चार-व्यवस्था, सञ्चार-सेवा, धनागार-व्यवस्था, सुरक्षा तथा आवासीय-व्यवस्थाः सम्यक् पूरयितव्याः। बीएसएनएल-संस्थायै जाल-सुदृढीकरणाय, जनपद-पञ्चायताय पर्यटन-विभागाय च गुंजी-क्षेत्रे आधारभूत-सुविधाः विकासयितुं निर्देशाः दत्ताः।

सभायां तकलाकोट-व्यापार-सम्बद्धाः व्यापारिणः अपि उपस्थिताः सन्तः स्वस्य समस्याः प्रस्तुतवन्तः। जनपदाधिकारी तान् आश्वासितवान् यत् व्यापारिणां समस्याः मन्त्रालय-स्तरे उत्थाप्य समाधानं सुनिश्चितं भविष्यति।

प्रायः षड्वर्षान्तरानन्तरं पुनरारभ्यमाणस्य अस्य सीमा-व्यापारस्य विषये प्रशासनम् पूर्णतया सक्रियम् अस्ति तथा सर्वाः व्यवस्थाः समयबद्धतया पूरयितुं प्रयासाः क्रियन्ते।

सभायाम् आरक्षक-अधीक्षकः अक्षय-प्रहलाद-कोंडे, अपर-जनपदाधिकारी योगेन्द्र-सिंहः, मुख्य-उपचिकित्सा-अधिकारी प्रशान्त-कौशिकः इत्यादयः विभिन्न-विभागानां अधिकारिणः उपस्थिताः आसन्।

उल्लेखनीयम् अस्ति यत् भारत-चीन-सीमा-व्यापारः (विशेषतः उत्तराखण्ड-राज्यस्य पिथौरागढ़-जनपदे स्थितः लिपुलेख-दर्रः तथा तकलाकोट-मार्गः) कोविड-१९-महामार्याः तथा सीमाक्षेत्रे युद्ध-कारणेन वर्षे २०२० तमे निरुद्धः आसीत्।

हिन्दुस्थान समाचार / अंशु गुप्ता