Enter your Email Address to subscribe to our newsletters
- विकसित भारत-चारधाम साइकिल यात्रा अनुदत् परिवर्तन लहरीम्
- देशस्य विकासः केवलं नीतिभ्यो न,जनभागितया संभव: दीपक शर्मा
लखनऊ, 23 अप्रैलमासः (हि.स.)।देशे नशामुक्तये युवान् क्रीडायाः स्वस्थजीवनशैलायाश्च प्रति प्रेरयितुं तथा विकसितभारतस्य संकल्पं जनजनपर्यन्तं प्रापयितुं उद्दिश्य प्रस्थिताः ‘ऑपरेशनसिन्दूरः ९ संकल्पाः विकसितभारतं चतुर्धाम सायकिलयात्रा’ उत्तरप्रदेशस्य राजधानी लखनऊ नगरे प्राप्तवती अस्ति।
हरियाणाराज्यस्य पानीपत नगरात् आरब्धा एषा यात्रा अधुना केवलं व्यक्तिगतप्रयत्नं अतिक्रम्य राष्ट्रियस्तरीयजनजागरणअभियानरूपेण परिवर्तिता अस्ति।
अस्याः यात्रायाः आरम्भः २५ मई २०२५ दिनाङ्के पानीपत निवासी युवा सामाजिककार्यकर्ता दीपकशर्मणा कृतः। अधुना पर्यन्तं तेन त्रयोदशसहस्र किलोमीटरात् अधिका दूरी अतिक्रान्ता तथा विंशत्यधिकेषु राज्येषु भ्रमणं कृतम्। तस्य लक्ष्यं प्रायः पञ्चदशसहस्र किलोमीटरपर्यन्तं दूरीं पूरयित्वा देशव्यापि जागरूकतां प्रसारयितुम् अस्ति।
दीपकशर्मणा उक्तं यत् देशे युवानां समक्षं नशासेवनस्य वृद्धिः शारीरिकनिष्क्रियता लक्ष्यहीनता च इत्यादयः गम्भीराः समस्याः सन्ति। एतेषां विषयाणां समाधानाय सायकिलमार्गेण प्रत्यक्षं जनान् प्रति गन्तुं मार्गः स्वीकृतः। तेन उक्तं यत् सायकिलः न केवलं पर्यावरणानुकूलः साधनम्, अपितु सामान्यजनैः सह संवादस्य सरलः प्रभावी च माध्यमम् अपि अस्ति।
एषा यात्रा दृढसंकल्पस्य शक्तिशालिनीच्छाशक्तेः च प्रतीकत्वेन स्थापिताऽस्ति। तेन उक्तं यत् त्रयोदशसहस्र किलोमीटरपर्यन्तः अयं मार्गः सरलः नासीत्। राजस्थानस्य तीव्रउष्णता, गुजरातमहाराष्ट्रयोः प्रचण्डवृष्टिः समुद्रीवायवः च, पर्वतीयप्रदेशानां कठिनारोहणानि च अस्य यात्रायाः अत्यन्तं चुनौतीपूर्णत्वं जनितवन्ति। मार्गे बहुवारं सायकिलस्य दोषाः, टायरभङ्गाः तथा तांत्रिकसमस्याः अपि अभवन्, तथापि सर्वाः बाधाः अतिक्रम्य यात्रा निरन्तरं प्रगता। अधुना एषा अटूटसंकल्पस्य दृढइच्छाशक्तेः च प्रतीकत्वं प्राप्तवती अस्ति।
अस्य अभियानस्य मुख्यशक्तिः संवाद एव अस्ति। यात्राकाले विभिन्नेषु नगरेषु ग्रामेषु च युवभिः छात्रैः सामाजिकसंस्थाभिः सह मिलित्वा नशामुक्तये स्वास्थ्याय अनुशासितजीवनशैलायै च जागरूकता प्रसारिता। विद्यालयमहाविद्यालयेषु कार्यक्रमानां माध्यमेन युवान् क्रीडायाः स्वास्थ्यस्य च प्रति प्रेरितवन्तः, ग्रामीणप्रदेशेषु च सामाजिकविषयेषु चर्चाः कृताः।
भारतस्य शक्तिः तस्य विविधतायां सांस्कृतिकएकतायां च निहिता अस्ति। ‘ऑपरेशनसिन्दूरः’ केवलं सामाजिकअभियानं न, अपितु सांस्कृतिकआध्यात्मिकसंयोगस्य अपि माध्यमम् अस्ति। यात्राकाले दीपकशर्मणा देशस्य चत्वारि प्रमुखज्योतिर्लिङ्गानि चत्वारि शक्तिपीठानि च दर्शितानि। चतुर्धामयात्रायाः दिशि अपि तस्य अभियानं निरन्तरं प्रवर्तते। एतेषु पवित्रस्थलेषु सः भारतस्य सांस्कृतिकपरम्परां समीपतः अनुभूतवान्, तथा च एतत् संदेशं प्रसारितवान् यत् भारतस्य शक्तिः तस्य विविधतायां सांस्कृतिकएकतायां च अस्ति।
‘विकसितभारतस्य’ नवसंकल्पाः अपि अस्य यात्रायाः महत्वपूर्णः अङ्गः सन्ति। तेषु नशामुक्तसमाजः, स्वास्थ्यं, सामाजिकएकता, पर्यावरणसंरक्षणम्, शिक्षा, स्वच्छता, आत्मनिर्भरता, महिलासशक्तीकरणम्, राष्ट्रप्रतिजिम्मेदारी च इत्यादयः विषयाः अन्तर्भवन्ति। एतेषां संकल्पानां माध्यमेन एषः संदेशः दीयते यत् देशस्य विकासः केवलं नीतिभिः न, अपितु जनसहभागेन एव सम्भवति।
दीपकशर्मणा उक्तं यत् लखनऊ नगरे अस्य यात्रायाः आगमनं महत्वपूर्णः चरणः अस्ति। तेन युवान् सामाजिकसंस्थाः च अस्मिन् अभियाने सहभागीभवितुं आहूताः। तेन उक्तं यत् यदि प्रत्येकः जनः स्वजीवने सकारात्मकपरिवर्तनं करिष्यति तर्हि विकसितभारतस्य स्वप्नं साकारं भविष्यति।
अस्य यात्रायाः लक्ष्यं केवलं दूरीपरिमाणं न, अपितु नूतनविचारस्य जन्म दातुम् अस्ति, यत्र देशस्य प्रत्येकः नागरिकः स्वस्थः जागरूकः जिम्मेदारः च भवेत्। ‘ऑपरेशनसिन्दूरः’ नामकं एतत् अभियानं एतेन दृढविश्वासेन अग्रे गच्छति यत् लघुप्रयत्नाः एव महान्परिवर्तनस्य आधारः भवन्ति।
---------------
हिन्दुस्थान समाचार