Enter your Email Address to subscribe to our newsletters
कोलकाता, 23 अप्रैलमासः (हि.स.)।पश्चिमबङ्गे प्रातः सप्तवादनात् नववादनपर्यन्तं राज्यस्य १५२ विधानसभासु आसन्दिषु औसततया १८.७६ प्रतिशतमतदानं अभिलेखितम्। प्रारम्भिकद्विघण्टयोः मध्ये पश्चिम मेदिनीपुर जिल्लः मतदानप्रतिशतदृष्ट्या अग्रे आसीत्।
निर्वाचनायोगस्य दत्ताङ्कानुसारं पश्चिममेदिनीपुरे प्रातः नववादनपर्यन्तं २०.५१ प्रतिशतमतदानं अभवत्, यत् राज्ये सर्वाधिकम् अस्ति। ततः अनन्तरं बांकुड़ा जिल्ले २०.२० प्रतिशतं, झाड़ग्राम जिल्ले १९.८४ प्रतिशतं, बीरभूम जिल्ले १९.०१ प्रतिशतं, पश्चिम बर्धमान जिल्ले १९ प्रतिशतमतदानं अभिलेखितम्।
मुर्शिदाबाद जिल्ले १८.८८ प्रतिशतं, दक्षिणदिनाजपुरे १८.८१ प्रतिशतं, पूर्वमेदिनीपुरे १८.८१ प्रतिशतं, दार्जिलिंग जिल्ले १८.८० प्रतिशतं, कलिम्पोंग जिल्ले १८.७४ प्रतिशतं, जलपाईगुड़ी जिल्ले १८.५० प्रतिशतमतदानं जातम्।
अलीपुरद्वार जिल्ले १७.७० प्रतिशतं, पुरुलिया जिल्ले १७.८३ प्रतिशतं, कूचबिहार जिल्ले १७.५६ प्रतिशतं, उत्तरदिनाजपुरे १७.५४ प्रतिशतं तथा मालदा जिल्ले १६.९६ प्रतिशतमतदानं अभिलेखितम्, यत् अस्मिन् चरणे न्यूनतमम् आसीत्।
प्रथमचरणे राज्यस्य षोडशजिलानां १५२ आसन्दिषु मतदानं प्रवर्तते। तेषु उत्तरबङ्गप्रदेशस्य सर्वे जिलाः, पश्चिमाञ्चलप्रदेशस्य प्रमुखजिलाः, मुर्शिदाबाद, पश्चिमबर्धमान, पूर्वमेदिनीपुर च समाविष्टाः सन्ति। अस्मिन् चरणे कुलं १४७८ अभ्यर्थिनः सन्ति, तेषु १६७ महिला-अभ्यर्थिनः अपि सन्ति।
राज्ये सर्वत्र मतदानकेन्द्रेषु कठनसुरक्षाव्यवस्थाः स्थापिताः। केन्द्रीयबलनियोजनं, वेबनिगराणी, विशेषपर्यवेक्षकानां उपस्थितिः च अस्ति, येषां मध्ये मतदानं क्रियते। प्रातःकाले अनेकेषु केन्द्रेषु मतदातॄणां दीर्घाः पङ्क्तयः दृष्टाः, येन प्रारम्भिकसमये उत्साहजनकमतदानस्य चित्रं प्रकटितम्।
राजनीतिकदलानां दृष्टिः अधुना दिवसे वर्धमाने मतदानप्रतिशतवृद्धौ अस्ति। मन्यते यत् प्रथमचरणस्य मतदानं आगामिचरणानां निर्वाचनप्रवृत्तीनां निर्धारणे महत्त्वपूर्णं योगदानं करिष्यति।
हिन्दुस्थान समाचार