Enter your Email Address to subscribe to our newsletters
- कर्मचारिणो बहवोऽनुपस्थित, कारणं ज्ञापनीयमिति निर्देशो निर्गतः
झांसी, 24 अप्रैलमासः (हि.स.)।
उत्तरप्रदेशस्य झाँसीजनपदे जिलाधिकारी गौराङ्ग राठी इत्यस्य कार्यभारग्रहणात् तृतीयदिने शुक्रवासरे पुनः प्रशासनिक कठोरता दृष्टा। जिलाधिकारेण प्रातः १० वादने एव कलेक्ट्रेट् कार्यालयस्य आकस्मिक निरीक्षणं कृतम्। अस्मिन् काले तेन विविधविभागानां व्यवस्थाः कार्यप्रणाल्यः च सूक्ष्मतया परीक्षिताः।
निरीक्षणसमये बहवः कर्मचारी स्वकार्यालयेभ्यः अनुपस्थिताः दृष्टाः, यस्मात् जिलाधिकारी कुपितः अभवत्। असावधानतां गम्भीरतया गृहित्वा तेन सम्बन्धितकर्मचारिभ्यः कारणदर्शनपत्राणि (शो कॉज नोटिस) निर्गन्तुं निर्देशाः दत्ताः। सः स्पष्टतया उक्तवान् यत् सरकारीकार्येषु शैथिल्यं कदापि न सह्यते।
जिलाधिकारेण सर्वेभ्यः अधिकारिभ्यः कर्मचारिभ्यश्च समये कार्यालये आगन्तुं उत्तरदायित्वेन कार्यं कर्तुं च निर्देशाः दत्ताः। अपि च तेन उक्तं यत् जनसम्बद्धेषु कार्येषु विलम्बः अथवा असावधानी दृष्टा चेत् कठोरकार्यवाही भविष्यति।
अस्मात् आकस्मिकनिरीक्षणात् कलेक्ट्रेट् कार्यालये कोलाहलः अभवत्, कर्मचारिणां मध्ये अनुशासनस्य प्रति गम्भीरता वर्धिता इव दृश्यते। जिलाधिकारेण स्पष्टसंकेताः दत्ताः यत् कार्यप्रणाल्याः सुधारः तथा उत्तरदायित्वस्य सुनिश्चितता तस्य प्राथमिकता अस्ति।
-------------
हिन्दुस्थान समाचार