नवदिल्लीनगरम्, २५ अप्रैलमासः (हि.स.)। इंडियन-प्रीमियर-लीग (आईपीएल) २०२६ स्पर्धायां रॉयल-चैलेंजर्स-बेङ्गलूरु-दलस्य गुजरात-टाइटन्स-दलं प्रति पञ्च-विकेट-विजयानन्तरं ऑरेंज-कैप्-क्रमे महत्त्वपूर्णं परिवर्तनं दृष्टम्। अस्यां स्पर्धायां उत्कृष्ट-प्रदर्शनस्य बलात् विराट-कोहली पुनः शीर्षस्थानं प्राप्तवान्।

२०६ धावनानां लक्ष्यस्य अनुगमनं कुर्वन् कोहली उद्घाटक-रूपेण क्रीडित्वा ४४ कन्दुकैः ८१ धावनानां उत्कृष्टां पर्यायं कृतवान्। सः चतुर्दश-ओवर-पर्यन्तं क्रीडित्वा दलस्य विजयस्य दृढम् आधारं स्थापयत् तथा ‘प्लेयर्-ऑफ्-द-मैच्’ इति सम्मानम् अपि प्राप्तवान्। अस्य पर्यायस्य अनन्तरं कोहली सप्तसु पर्यायेषु ३२८ धावनानि कृत्वा ऑरेंज-कैप-सूच्यां प्रथमं स्थानं प्राप्तवान्। सः सनराइजर्स-हैदराबाद-दलस्य अभिषेक-शर्माणम् (३२३ धावनानि) अतिक्रम्य अग्रे गतवान्।

तृतीय-स्थाने सनराइजर्स-हैदराबाद-दलस्य हेनरिक-क्लासेन (३२० धावनानि) अस्ति, यदा गुजरात-टाइटन्स-दलस्य शुभमन-गिलः २९७ धावनैः सह चतुर्थं स्थानं प्राप्तवान्। गिल अस्यां स्पर्धायां २४ कन्दुकैः ३२ धावनानि कृतवान्, येन सः चेन्नई-सुपर-किङ्ग्स-दलस्य संजु-सैम्सन् इत्येतम् अतिक्रम्य अग्रे गतवान्।

आरसीबी-दलस्य नायकः रजत-पाटीदारः अपि अस्याः स्पर्धायाः अनन्तरं सूच्यां अग्रे गतवान्। यद्यपि सः अस्यां क्रीडायां केवलं ८ धावनानि कृतवान्, तथापि समग्रतया २३८ धावनैः सह ईशान-किशनस्य समं स्थानं प्राप्तवान्। स्ट्राइक्-रेट्-आधारेण पाटीदारः अष्टमे तथा किशनः नवमे स्थाने स्थितौ स्तः। अन्यतः गुजरात-दलस्य बी-साई-सुदर्शनः ५८ कन्दुकैः शतकं कृत्वा अस्य सत्रस्य पञ्चमं शतकं निर्माय शीर्ष-दशके स्थानं प्राप्तवान्।

पर्पल-कैप-क्रमे अस्याः क्रीडायाः विशेषः प्रभावः न अभवत्, यतः क्रीडायां केवलम् अष्टौ विकेट पतिताः। गुजरात-दलस्य प्रसिद्ध-कृष्णः १२ विकेट-इत्येतैः सह तृतीय-स्थाने एव स्थितः अस्ति तथा सनराइजर्स्-हैदराबाद-दलस्य ईशान-मलिङ्गेन सह संयुक्त-रूपेण तत्र वर्तते। शीर्ष-स्थाने चेन्नई-सुपर-किङ्ग्स-दलस्य अंशुल-कम्बोजः तथा लखनऊ-सुपर-जायन्ट्स-दलस्य प्रिन्स-यादवः स्थितौ स्तः।

अस्मिन् अन्तरे भुवनेश्वर-कुमारः जोस-बटलरस्य विकेट् प्राप्य स्व-विकेट-संख्यां ११ पर्यन्तं नीतवान्। सः अधुना राजस्थान-रॉयल्स-दलस्य जोफ्रा-आर्चरः तथा रवि-बिश्नोई इत्येताभ्यां सह संयुक्त-रूपेण अनन्तर-स्थाने वर्तते।

हिन्दुस्थान समाचार / अंशु गुप्ता