Enter your Email Address to subscribe to our newsletters
जयपुर-नगरम्, २५ अप्रैलमास: (हि.स.)। उपराष्ट्रपतिः सी.पी.राधाकृष्णन् उक्तवान् यत् कर्कट-रोगेन सह संघर्षाय तथा विजयप्राप्त्यै मानसिक-बलं आवश्यकम् अस्ति। सः यूनः विशेषतः मादकेभ्यः द्रव्येभ्यः तथा तम्बाकु-सेवनात् दूरं स्थातुं आह्वानं कृतवान्।
सः अपि उक्तवान् यत् कर्कट-रोगस्य निवारणाय व्यापक-स्तरे जन-जागरूकता-अभियानं सञ्चालनीयम्। सः कर्कट-उपचार-क्षेत्रे कीमोथेरेपी इत्यादीनां कठिन-चिकित्सा-विधीनां स्थाने नवीन-चिकित्सा-अनुसन्धानैः विकसितं टैबलेट-आधारित-उपचारं उत्साहजनकं इति वर्णितवान्।
उपराष्ट्रपतिः शनिवासरे महाराणा-प्रताप-सभागारे कर्कट-सर्वाइवर्-डेज्-अवसरे आयोजिते समारोहं सम्बोधितवान्। सः उक्तवान् यत् शुद्ध-जलस्य उपलब्धिः सर्वेभ्यः अत्यावश्यकी अस्ति तथा प्रतिवर्षं कर्कट-रोगिणः वर्धन्ते।
सः प्रधानमन्त्रिणः नरेन्द्र-मोदी इत्यस्य प्रयत्नस्य उल्लेखं कृत्वा उक्तवान् यत् आयुष्मान-भारत-योजनायां कर्कट-रोगिण: प्रति वार्षिकं पञ्च-लक्ष-रूप्यक-पर्यन्तं निःशुल्क-उपचारः उपलब्धः अस्ति, यत्र शल्य-चिकित्सा, कीमोथेरेपी तथा रेडियोथेरेपी अपि समाविष्टानि सन्ति।
सः उक्तवान् यत् सर्वाइकल-कर्कटः अधुना देशे द्वितीयः सर्वाधिकः कर्कट-रोगः अस्ति, यस्य निवारणाय टीकाकरणेन सह प्रभावी प्रयासाः क्रियन्ते।
राज्यपालः हरिभाऊ-बागडेः उक्तवान् यत् यथा टीबी-मुक्त-अभियानेन सफलता प्राप्ता, तथैव कर्कट-मुक्त-राजस्थान-अभियानस्य आवश्यकता अस्ति।
चिकित्सा-स्वास्थ्य-मन्त्री गजेन्द्र-सिंह-खींवसरः अपि कर्कट-जागरूकतायाः महत्त्वं प्रतिपादितवान्। अस्मिन् अवसरे अनेके गणमान्याः व्यक्तयः उपस्थिताः आसन्।
हिन्दुस्थान समाचार / अंशु गुप्ता