जगदलपुरम्, २६ अप्रैलमासः (हि.स.)। बस्तर-संभागस्य दुर्गम-प्रदेशेषु शासनेन सर्वे माओवादी-स्मारकाणि ध्वस्तानि कृत्वा तेषां स्थाने सुरक्षाबलानां बलिदानिनां प्रतिमाः तथा “अमर-बलिदानी-स्मारकाणि” स्थापयितुं निर्णयः कृतः।

पञ्चायत-विभागेन एतदर्थं धनराशिः स्वीकृता अस्ति। अस्य प्रमुखोद्देश्यम् अस्ति यत् भावी-पीढ्यः सैनिकानां शौर्य-गाथायाः परिचयं लभेरन् तथा च क्षेत्रे लोकतन्त्रस्य मूलानि सुदृढानि भवन्ति। सुरक्षाबलैः माओवादी-आधारसंरचनानां विनाशानन्तरं अधुना तेषु स्थानेषु बलिदानिनां स्मृत्यर्थं स्मारक-निर्माणं क्रियते।

छत्तीसगढ़-शासनस्य योजनानुसारं बस्तर-प्रदेशस्य विविध-ग्रामेषु कुलं १२००-तः अधिकानां बलिदानिनां स्मृत्यर्थं स्मारकाणां निर्माणं भविष्यति, येन अग्रिमवंशस्य सैनिकानां साहसं बलिदानं च अवगन्तुं शक्नुवन्ति।

इत्यस्मिन् क्रमशः सुकमा-जनपदे द्वयोः महत्स्मारकयोः लोकार्पणम् अभवत्। ६ अप्रैल २०२६ तमे दिनाङ्के ताड़मेटला (गडगडमेटा) इत्यस्मिन् ऐतिहासिक-स्थले स्मारकस्य उद्घाटनम् अभवत्, यत्र २०१० वर्षे ७६ सैनिकि: सर्वोच्चं बलिदानं कृतवन्तः। तथा च बुरकापाल: (चिन्तागुफा) इत्यत्र २५ बलिदानिन: प्रति समर्पितं स्मारकम् राष्ट्राय अर्पितम् अभवत्।

२४ अप्रैलमासे २०१७ तमे दिने मार्ग-निर्माण-सुरक्षार्थं नियुक्तानां सैनिकानाम् उपरि माओवादिभिः घात-आक्रमणं कृतम् आसीत्। अद्य एते स्मारकाः प्रत्येकस्य बलिदानिनः संक्षिप्त-परिचयेन सह तेषां पराक्रम-गाथां प्रकाशितां कुर्वन्ति।

बस्तर-प्रदेशः ३१ मार्चे शस्त्रधारिभिः माओवादिभिः मुक्तः इति घोषितः, ततः परं ग्रामे-ग्रामे स्मारक-निर्माणस्य योजना प्रवर्तते। नारायणपुरस्य ओरछा-क्षेत्रे तस्य शिक्षकस्य अपि स्मारक-निर्माणस्य योजना अस्ति, यः माओवादी-भयम् उपेक्ष्य त्रिरङ्गं प्रस्थापितवान्, पश्चात् च वीरगतिं प्राप्तवान्।

जगदलपुरे “अमर-जवान-शहीद-परिसरः” इत्यस्य माध्यमेन संभागस्य सर्वे बलिदानी-परिवाराः संघटिताः कर्तुं तथा तेषां सहायतायाः सम्मानस्य च योजना क्रियते।

उपमुख्यमन्त्री विजय-शर्मा उक्तवान् यत् एतानि स्मारकाणि केवलं श्रद्धाञ्जलि-स्थलानि न, अपि तु अस्य प्रमाणम् अपि यत् बस्तर-भूमेः आतङ्कस्य अन्धकारः दूरीकृतः, अधुना तत्र केवलं राष्ट्रभक्तेः विकासस्य च प्रकाशः वर्तते। भावी-पीढ्यः अपि बलिदानिनां शौर्य-गाथां ज्ञास्यन्ति अवगमिष्यन्ति च।

हिन्दुस्थान समाचार / अंशु गुप्ता