गोरखपुरम्, 26 अप्रैलमासः (हि.स.)।

पुलिस लाइन गोरखपुरस्य परेडग्राउण्डे रविवासरे महिला-रिक्रूट-आरक्षिणां भव्यः दीक्षान्तपरेडोत्सवः आयोजितः। अयं कार्यक्रमः न केवलं प्रशिक्षणं सम्पन्नवन्तीनां महिला-आरक्षिणां कृते गौरवस्य क्षणः आसीत्, अपि तु जनपदस्य विधिव्यवस्थां सुदृढीकर्तुं दिशि अपि महत्त्वपूर्णं चरणम् इति मन्यते।

कार्यक्रमस्य मुख्यातिथिः डीआईजी-रेञ्ज-एस्. चन्नप्पा महोदयः परेडस्य सलामीं स्वीकृतवान् तथा प्रशिक्षुणां उत्साहवर्धनं कृतवान्। उल्लेखनीयम् यत् पुलिस महानिदेशक प्रशिक्षण, लखनऊ द्वारा 21 जुलाई 2025 तिथौ प्रदेशस्य 112 प्रशिक्षणकेन्द्रेषु प्रायः 60000 प्रशिक्षूणां आधारभूतप्रशिक्षणं प्रारब्धम् आसीत्।

अस्मिन् क्रमे गोरखपुरजनपदे वरिष्ठपुलिसअधीक्षकस्य निर्देशनाधीनं कुलं 493 महिला-प्रशिक्षूणां नवमासपर्यन्तं कठिनं अनुशासितं च प्रशिक्षणं सफलतया सम्पन्नम्। प्रशिक्षणकाले शारीरिकदक्षता, विधिज्ञानम्, आपत्कालीनपरिस्थितीनां निवारणक्षमता, आयुधसञ्चालनम्, ड्रिल् तथा अनुशासनम् इत्यादिषु विशेषः ध्यानः दत्तः।

दीक्षान्तपरेडस्य दृश्यं अत्यन्तम् आकर्षकं अनुशासितं च आसीत्। परेडस्य नेतृत्वं प्रथम-परेड-कमाण्डर आकांक्षा यादव नाम्नी अकुर्वत्, या उत्कृष्टया पद्धत्या मुख्यातिथये सलामीं प्रदत्तवती। तस्याः नेतृत्वे 12 टोल्यः सुसंगठितं प्रभावशाली च मार्च-पास्ट् प्रदर्शितवन्त्यः, येन सर्वे उपस्थिताः जनाः प्रभाविताः अभवन्।

द्वितीय-परेड-कमाण्डररूपेण अजिता सिंह तथा तृतीय-परेड-कमाण्डररूपेण अञ्जली तिवारी अपि स्वकर्तव्यं सम्यक् निर्वाहितवन्त्यौ।

मुख्यातिथिः डीआईजी एस्. चन्नप्पा महोदयः परेडस्य निरीक्षणं कृत्वा प्रशिक्षूणां अनुशासनम्, एकरूपता, समर्पणं च प्रशंसितवान्। सः अवदत् यत् महिला-पुलिसकर्मिणां वर्धमानः सहभागः विधिव्यवस्थां अधिकं संवेदनशीलं प्रभावकरं जनोन्मुखं च करिष्यति। तेन प्रशिक्षुभ्यः अपेक्षा कृता यत् ते सत्यनिष्ठया साहसेन कर्तव्यपरायणतया च स्वकर्तव्यं निर्वहन्तु।

अस्मिन् अवसरे योगी आदित्यनाथ महोदयः लखनऊनगरात् आभासीमाध्यमेन प्रदेशव्याप्तेषु प्रशिक्षणं सम्पन्नवन्तः प्रायः 60000 प्रशिक्षून् आशीर्वादं शुभाशयांश्च प्रदत्तवान्। तेन उक्तं यत् प्रशिक्षितः पुलिसबलः राज्यस्य सुरक्षा-व्यवस्थायाः मेरुदण्डः भवति, तथा एतेभ्यः नूतन-आरक्षिभ्यः विधिव्यवस्थायाः नूतना दृढता प्राप्ता भविष्यति।

दीक्षान्तपरेडानन्तरं मुख्यातिथिना उत्कृष्टप्रदर्शनं कृतवन्त्यः महिला-आरक्षिणः सम्मानिताः। अनेन सम्माननेन प्रशिक्षूणां उत्साहः आत्मविश्वासः च अधिकं वर्धितः।

वरिष्ठपुलिसअधीक्षकः डॉ. कोस्तुभ महोदयः स्वसम्बोधने उक्तवान्— “अद्यतनः दिवसः भवतां जीवनस्य महत्त्वपूर्णः दिवसः अस्ति। अयं भवतां कर्तव्यपथस्य प्रथमः चरणः अस्ति। स्वकर्तव्येभ्यः कदापि न प्रत्याह्रियध्वं, अपि तु पूर्णनिष्ठया सत्यनिष्ठया च सेवां कुरुत।” अस्य सन्देशस्य प्रभावेण प्रशिक्षवः कर्तव्यनिष्ठायाः संकल्पं स्वीकृतवन्तः।

प्रशिक्षणसमाप्तेः अनन्तरं गोरखपुरजनपदाय 256 महिला-रिक्रूट-आरक्षिणः प्राप्स्यन्ते, यदा 237 महिला-आरक्षिणः कुशीनगर जनपदं प्रेषिताः भविष्यन्ति। अतिरिक्तरूपेण गोरखपुरं अन्यप्रशिक्षणसंस्थानात् अपि 983 रिक्रूट-आरक्षिणः प्राप्स्यति।

एवं समष्ट्या 1239 रिक्रूट-आरक्षिणः व्यवहारिकप्रशिक्षणार्थं जनपदस्य विविधेषु थाना-केन्द्रेषु नियुक्ताः भविष्यन्ति। एतेषां नूतन-पुलिसकर्मिणां नियुक्त्या जनपदे पुलिसबलस्य संख्या वर्धिष्यते, येन विधिव्यवस्था अधिकं सुदृढा भविष्यति तथा अपराधिनां नियन्त्रणं सुदृढतया स्थापयितुं शक्यते।

विशेषतया महिला-पुलिसकर्मिणां वर्धमानसंख्या महिलासुरक्षासम्बद्धेषु विषयेषु शीघ्रं संवेदनशीलं च कार्यान्वयनं सुनिश्चितं करिष्यति।

कार्यक्रमे अस्मिन् दीपक मीणा (जिलाधिकारी), ज्ञानेंद्र, दिनेश कुमार पुरी, सुधीर जायसवाल, अमित श्रीवास्तव, अरुण कुमार, दिनेश गोदारा इत्यादयः अन्ये अधिकारीणः, प्रशिक्षकाः, प्रशिक्षूणां अभिभावकाः, गणमान्यनागरिकाः च उपस्थिताः आसन्।

---------------

हिन्दुस्थान समाचार