Enter your Email Address to subscribe to our newsletters
भोपाल-नगरम्, २६ अप्रैलमासः (हि.स.)। मध्यप्रदेश-राज्ये वर्धमानानां मार्ग-दुर्घटनानां तथा द्विचक्र-यान-चालकानां मृत्युघटनानां सन्दर्भे दृष्ट्वा आरक्षक-विभागः पुनः शिरस्त्राण-धारणस्य अनिवार्यतां प्रति अद्य रविवासरात् (२६ अप्रैलमासात्) आरभ्य विशेष-जागरूकता-अभियानं प्रारभते। अस्मिन् अभियाने, यत् सम्पूर्ण-राज्ये १० मई २०२६ पर्यन्तं सञ्चाल्यते, शिरस्त्राणं न धारयतां वाहन-चालकानां चालन-अनुज्ञापत्रस्य (ड्राइविङ्-लाइसेंस) स्थगन-कार्यमपि क्रियते।
आरक्षक-मुख्यालयेन सर्वेषां आरक्षक-आयुक्तान् तथा जनपद-आरक्षक-अधीक्षकान् प्रति निर्देशाः निर्गताः, येन उक्तं यत् मार्ग-दुर्घटनासु बहुसङ्ख्यया द्विचक्र-यान-चालकाः भवन्ति, यत्र अधिकतर-प्रसङ्गेषु शिरस्त्राण-अधारणमेव प्रमुखं कारणं भवति। अस्य गम्भीरतां दृष्ट्वा आरक्षक-विभागः कठोर-कार्यवाह्या सह जन-जागरूकता-अभियानं संचालयति। अभियान-कालस्य अन्तर्गतं शिरस्त्राणं विना वाहन-चालनं कुर्वतां विरुद्धं चालान-कार्यवाही क्रियते। सहैव पी.ओ.एस.-यन्त्राणां माध्यमेन अधिकाधिकं ई-चालानं कर्तुं निर्देशाः अपि दत्ताः।
आरक्षक-विभागः विद्यालयेषु, महाविद्यालयेषु तथा प्रशिक्षण-संस्थासु अपि जागरूकता-कार्यक्रमान् आयोजयिष्यति, यत्र यूनां शिरस्त्राण-धारणस्य अनिवार्यता तथा यातायात-नियमानां विषये सूचनां दास्यन्ति। अतिरिक्ततया सामाजिक-माध्यम-मञ्चेषु दृश्यमाना: (वीडियो), संदेशाः तथा जागरूकता-सामग्री सहभागीकृत्य जनान् नियम-पालनाय प्रेरयिष्यन्ति। आरक्षक-मुख्यालयेन सर्वेभ्यः जनपदेभ्यः अभियानस्य नियमित-प्रतिवेदनम् अपि याचितम् अस्ति। अधिकारिणः प्रति स्पष्ट-निर्देशाः दत्ताः यत् एतत् अभियानं केवलं औपचारिकता न भवेत्, अपि तु मार्ग-सुरक्षा-विषये व्यवहारिक-परिवर्तनं जनयेत्।
निर्गत-निर्देशानुसारं एतत् अभियानं केवलं कर्गद-कार्यवाहीपर्यन्तं न सीमितं भविष्यति। एतत् सम्पूर्णम् अभियानं त्रिषु प्रमुख-स्तरेषु सञ्चालयिष्यते, यत्र चालान-कार्यवाह्या सह चालन-अनुज्ञापत्र-स्थगन-कार्यवाही अपि क्रियते। पी.ओ.एस.-यन्त्रस्य माध्यमेन तेषां चालन-अनुज्ञापत्र-स्थगनस्य प्रस्तावः परिवहन-विभागाय प्रेष्यते।
आधिकारिक-सङ्ख्यानां अनुसारं राज्ये भवमानासु मार्ग-दुर्घटनासु प्राणान् त्यजन्ति येषां जनानां मध्ये प्रायः पञ्चाशत्-प्रतिशतं द्विचक्र-यान-चालकाः भवन्ति। एतेषु अधिकतर-मृत्यूनां प्रमुखं कारणं वाहन-चालन-समये शिरस्त्राण-अधारणं एव ज्ञातम्। यातायात-नियम-उपेक्षा तथा असावधानता दृष्ट्वा आरक्षक-विभागेन एतत् अभियानम् आरब्धम्।
हिन्दुस्थान समाचार / अंशु गुप्ता