Enter your Email Address to subscribe to our newsletters
काकद्वीपः, 26 अप्रैलमासः (हि. स.)।
दक्षिण-चतुर्विंशतिः परगणा-जिले आगामी मतदानं शान्तिपूर्वकं भविष्यति इति अपेक्षा व्यक्ता। राज्यस्य मुख्यनिर्वाचन-अधिकारी मनोजकुमार-अग्रवालः रविवासरे काकद्वीपं प्रति गत्वा निर्वाचन-प्रस्तुतयः निरीक्षितवान् तथा सन्तोषं व्यक्तवान्।
भ्रमणस्य समये सः जिलाप्रशासनस्य अधिकारिभिः, पुलिस-अधीक्षकः तथा विभिन्न-राजनीतिक-दलानां अभ्यर्थिभिः सह उपवेशनंकृतवान्। अस्मिन् बैठके विधि-व्यवस्था, सुरक्षा-व्यवस्था तथा निष्पक्ष-मतदानं सुनिश्चितं कर्तुं विषये विस्तृता चर्चा कृता।
माध्यमैः सह संभाषणे मनोजकुमार-अग्रवालः उक्तवान् यत् मया निर्वाचन-प्रस्तुतयः पुनरावलोकिताः सन्ति तथा स्थितिः सन्तोषजनका अस्ति। अहं सर्वेभ्यः मतदातृभ्यः निवेदनं करोमि यत् ते स्वतन्त्रतया निष्पक्षतया च मतदानं कुर्वन्तु।
तेन उक्तं यत् अस्मिन् क्षेत्रे मतदाता-उपस्थिति: षट्सप्ततिः अष्टाशीतिः प्रतिशतयोः मध्ये भविष्यति इति सम्भावना अस्ति तथा जनानां प्रति अधिकतया मतदाने सहभागिता कर्तुं आह्वानं कृतम्।
तेन एतदपि उक्तं यत् सर्वेभ्यः राजनीतिक-दलेभ्यः सहयोगः याचितः अस्ति तथा यदि कश्चन व्यक्ति: समूहः वा निर्वाचनस्य समये अशान्तिं जनयितुं प्रयत्नं करिष्यति तर्हि तस्य विरुद्धं कठोर-कार्यवाही क्रियते।
सीईओ उक्तवान् यत् प्रत्येकस्मिन् मतदान-केन्द्रे सीसीटीवी-यन्त्रैः निरीक्षणं क्रियते तथा सुरक्षा-व्यवस्थायाः दृढाः प्रबन्धाः कृताः सन्ति।
---------------
हिन्दुस्थान समाचार