Enter your Email Address to subscribe to our newsletters
नवदिल्ली, 27 अप्रैलमासः (हि.स.)।अखिल-भारतीय-आयुर्विज्ञान-संस्थानस्य (एम्स) अन्तःस्रावशास्त्र-उपापचय-विभागस्य प्रमुखः डॉ. निखिल टंडनः संस्थानस्य अन्तरिम-निदेशकत्वेन नियुक्तः। एषः पदः डॉ. एम् श्रीनिवासस्य नीति-आयोगे सदस्यत्वं प्राप्तस्य अनन्तरं रिक्तः अभवत्।
डॉ. निखिल टंडनः एम्स-निदेशकस्य अतिरिक्त-भारं तत्क्षणात् प्रभावेण स्वीकृतवान्। सः अस्मिन् पदे आगामी-षट्-मासपर्यन्तं अथवा यावत् नियमित-नियुक्तिः न भवति तावत् कार्यं करिष्यति।
डॉ. निखिल टंडनः पूर्वमेव एम्स-अन्तःस्रावशास्त्र-उपापचय-विभागस्य प्रमुखः अस्ति। अस्य सह सः डीन (अकादमिक्स) इत्यपि पदं वहति।
उल्लेखनीयम् अस्ति यत् एप्रिल् २०२६ मासे पुनर्गठिते नीति-आयोगे अध्यक्षेन (प्रधानमन्त्रिणा) नवानां सदस्याणां नियुक्तिः कृता। तस्मिन् डॉ. अशोक कुमार लाहिड़ी उपाध्यक्षः नियुक्तः। पञ्च नूतनाः पूर्णकालिक-सदस्याः अपि नियुक्ताः—राजीव गौबा, प्रो. के. वी. राजू, एम् श्रीनिवासः, अभय करंदीकरः, गोबर्धन दासः च—ये स्वास्थ्य-विज्ञान-कृषि-क्षेत्रेभ्यः सम्बद्धाः सन्ति।
---------------
हिन्दुस्थान समाचार