Enter your Email Address to subscribe to our newsletters
गंगटोकम्, 27 अप्रैलमासः (हि.स.)। सिक्किम-राज्यस्य मुख्यमन्त्री प्रेम सिंह तमांग उक्तवान् यत् यदि नरेन्द्र मोदी-महाभागस्य हेलिकॉप्टर-मार्गेण सिक्किम आगमनं न संभवति, तर्हि सः मार्गेण (सड़क-मार्गेण) एव आगमिष्यति। मुख्यमन्त्रिणा एषा वाणी सोमवासरे राजधानी-नगरे प्रधानमन्त्रिणः स्वागताय प्रतीक्षां कुर्वतां जनान् सम्बोध्य उक्ता।
सः अपि अवदत् यत् यदि प्रधानमन्त्री मार्गेण आगच्छेत्, तर्हि सः सायं ६:३० वादनपर्यन्तं गंगटोक नगरे आगमिष्यति।
नरेन्द्र मोदी द्विदिवसीय-भ्रमणेन सिक्किम आगच्छति। तस्य अपराह्णे ३ वादने राजधानी-समीपे लिविङ्ग-प्रदेशे स्थिते आर्मी-हेलिपदे अवतरणस्य कार्यक्रमः निर्धारितः अस्ति। प्रधानमन्त्रिणः स्वागताय राज्यस्य सर्वतः जनाः राजधानीं समागताः सन्ति। मुख्यमन्त्री तमाङ्गः प्रातःकालात् पङ्क्तिषु प्रतीक्षां कुर्वन्तः जनान् मिलित्वा तेषां उत्साहं वर्धितवान्।
मुख्यमन्त्री प्रेम सिंह तमांग अवदत् यत् अद्य नरेन्द्र मोदी द्विदिवसीय-भ्रमणेन सिक्किम आगच्छति। तस्य हेलिकॉप्टर-मार्गेण आगमनं अपराह्णे ३ वादने अपेक्षितम् अस्ति। यदि उदग्रविमान-मार्गः न संभवति, तर्हि सः राष्ट्रीय राजमार्ग 10 इत्यनेन मार्गेण आगमिष्यति। एवं सति सः मार्गेण सिक्किम आगच्छन् प्रथमः प्रधानमन्त्री भविष्यति।
सः अपि उक्तवान् यत् यदि प्रधानमन्त्री मार्गेण आगच्छेत्, तर्हि सः सायं ६:३० वादनपर्यन्तं गंगटोक आगमिष्यति। सः प्रतीक्षां कुर्वतां जनान् उत्साहपूर्वकं प्रधानमन्त्रिणः स्वागतं कर्तुं प्रोत्साहितवान्। यदि तु हेलिकॉप्टर-मार्गेण आगमनं भवेत्, तर्हि सः अपराह्णे ३ वादने एव आगमिष्यति इति उक्तवान्।
उल्लेखनीयम् यत् राष्ट्रिय राजमार्ग 10 एव एकः मुख्यः मार्गः अस्ति, यः सिक्किम अन्यैः देश-भागैः सह संयोजयति। अयं मार्गः उत्तर-बङ्गाल-प्रदेशात् आरभ्य सिक्किम पर्यन्तं गच्छति। गत-वर्षे अपि नरेन्द्र मोदी दुष्ट-वातावरण-कारणात् सिक्किम न आगन्तुमशक्नोत्।--------------------
हिन्दुस्थान समाचार