Enter your Email Address to subscribe to our newsletters
रायपुर-नगरम्, २७ अप्रैलमासः (हि.स.)। मुख्यसचिवः विकासशीलः निर्देशं दत्तवान् यत् राज्यस्य ग्रामीण-क्षेत्राणि जलवायु-परिवर्तनानुकूलानि कर्तुं ग्रामपञ्चायत-स्तरे कार्ययोजनाः निर्मीयन्ताम् तथा सीएसआर-धनस्य उपयोगः जलवायु-कार्यक्रमेषु क्रियेत।
छत्तीसगढ़-राज्य-जलवायु-परिवर्तन-केन्द्रस्य अधिकारिभिः उक्तं यत् राज्ये जलवायु-परिवर्तनसम्बद्धानि विविध-कार्याणि क्रियन्ते, येषु प्रमुखतः वृक्षारोपण-कार्याणि सन्ति। “एकः वृक्षः मातुः नाम्ना” इति योजनायाः अन्तर्गतं प्रायः सप्त-कोटि-वनस्पति-रोपणं कृतम् अस्ति। “कृषक-वृक्ष-मित्र-योजना” अन्तर्गतं ३ कोटि ६८ लक्ष वृक्षारोपणं सम्पन्नम्।
अधिकारिभिः इदमपि सूचितं यत् आई.एस.एफ.आर. २०२५ इत्यनुसारं राज्यस्य वन-एवं वृक्ष-आवरणे ६८३ वर्ग-किलोमीटर-पर्यन्तं सर्वाधिक-वृद्धिः अभवत्, या देशे प्रथम-स्थानं प्राप्तवती।
तथा च राज्ये जैविक-कृषेः प्रोत्साहनं दीयते। वर्षे २०२५–२०२६ मध्ये प्रायः ५५,०५० हेक्टेयर-भूमौ जैविक-कृषिः कृता।
राज्ये ३०० अधिकानां जलाशयानां जल-विज्ञान-योजनया सह २४ बृहत्-मध्यम-जलाशयानां सेडिमेंटेशन-सर्वेक्षणं पूर्णं कृतम्।
महानदी-भवने आयोजितायां जलवायु-परिवर्तन-स्टियरिंग-समित्याः सभायां राज्यस्य कार्ययोजनायाः क्रियान्वयनम्, कार्बन-क्रेडिट-कार्यक्रमाः, राज्य-जलवायु-प्राधिकरण-गठनम् इत्यादयः विषयाः चर्चिताः। वृक्षारोपण, जैविक-कृषिः, जल-संरक्षणं च विषये राज्यस्य प्रमुख-उपलब्धयः अपि प्रस्तुताः।
वीडियो-कॉन्फ्रेन्स-माध्यमेन आयोजितायां अस्यां सभायां पंचायत-एवं-ग्रामीण-विकास-विभागस्य सचिवा श्रीमती निहारिका बारिक सिंह, विधि-विधान-विभागस्य प्रमुख-सचिवा श्रीमती सुषमा सावंत:, कृषि-एवं-किसान-कल्याण-विभागस्य प्रमुख-सचिवा श्रीमती शहला निगार:, खनिज-संसाधन-विभागस्य सचिवः पी.दयानन्दः, नगरीय-प्रशासन-विकास-विभागस्य सचिवः बसवराजु एस., वाणिज्य-उद्योग-विभागस्य सचिवः रजत कुमारः, ऊर्जा-विभागस्य सचिवः डॉ.रोहितयादवः, परिवहन-विभागस्य सचिवः एस.प्रकाशः, आवास-एवं-पर्यावरण-विभागस्य सचिवः अंकित-आनंदः, राजस्व-आपदा-प्रबन्धन-विभागस्य विशेष-सचिवा सुश्री इफ्फत आरा, राज्य-योजना-आयोगः, नाबार्ड्, पर्यावरण-शिक्षा-केन्द्रम्, भारतीय-विज्ञान-संस्थानम्, कृषि-मौसम-विज्ञान-विभागः, इन्दिरा-गाँधी-कृषि-विश्वविद्यालयः च अन्ये च अधिकारिणः सम्मिलिताः आसन्।
हिन्दुस्थान समाचार / Dheeraj Maithani