Enter your Email Address to subscribe to our newsletters
विलुप्पुरम्, 27 अप्रैलमासः (हि.स.)। तमिलनाडु राज्यस्य विलुप्पुरम जनपदे आयोजिते प्रसिद्धे “कूवागम उत्सव २०२६” नामके (यः कूवागम ग्रामे स्थिते कूथांडवर मंदिर मन्दिरे प्रतिवर्षं आयोज्यते, तथा च प्रसिद्धेषु अद्वितीयेषु परिलिंगि-उत्सवेषु अन्यतमः अस्ति) उत्सवे चेन्नई नगरीयाः ओमना इत्यस्यै “मिस् तिरुनंगई २०२६” इति उपाधिः प्रदत्ता।
अस्मिन् प्रतियोगितायां चेन्नई नगर्याः सायश्री द्वितीयं स्थानं प्राप्तवती, सुगी तृतीयं स्थानं च अलभत। अस्मिन् आयोजने सहस्राधिकाः ट्रांसजेंडर-जनाः सहभागीभूत्वा स्वस्य सांस्कृतिक-परिचयं, प्रतिभां, सामाजिक-सहभागितां च प्रदर्शितवन्तः।
विलुप्पुरम समीपे स्थिते कूथांडवर मंदिर मन्दिरे प्रतिवर्षं कूथांडवर-मन्दिर-उत्सवस्य अवसरस्य सन्दर्भे “तिरुनंगई” (ट्रांसजेंडर) समुदायेन विविधाः सांस्कृतिक-सामाजिक-कार्यक्रमाः आयोज्यन्ते। अस्यैव परम्परायाः अन्तर्गतं अस्मिन् वर्षे राष्ट्रीय ट्रांसजेंडर महासंघ तथा चेन्नई नगरस्य विविधाः सामाजिक-संस्थाः संयुक्ततया “कूवागम उत्सव २०२६” इत्यस्य आयोजनं कृतवन्तः।
शनिवासरे (२६ एप्रिल्) रात्रौ विलुप्पुरम नगरस्य नूतन-बस-स्थानकस्य समीपे नगरपालिका-क्रीडाङ्गणे अयं कार्यक्रमः आयोजितः। कार्यक्रमस्य आरम्भः तमिलनाडु सरकार द्वारा ट्रांसजेंडर-समुदायस्य कल्याणार्थं कृतानां कार्याणां प्रति कृतज्ञताप्रदर्शनेन अभवत्।
अनन्तरं शिक्षाक्षेत्रे रोजगारक्षेत्रे च उत्कृष्टं प्रदर्शनं कृतवन्तः ट्रांसजेंडर-व्यक्तयः विशेष-परेडेन प्रस्तुता, या उपस्थितजनानां विशेषं ध्यानम् आकर्षितवती। नृत्यं, लोककला, सांस्कृतिक-प्रस्तुतयः च कार्यक्रमं उत्साहपूर्णं कृतवन्तः।
मुख्य-आकर्षणं “मिस् तिरुनंगई २०२६” इति प्रतियोगिता आसीत्, यस्मिन् बहवः ट्रांसजेंडर-प्रतिभागिनः आकर्षकेषु पारम्परिक-आधुनिक-वेशेषु सहभागीभूत्वा स्व-आत्मविश्वासं, व्यक्तित्वं, प्रतिभां, प्रस्तुतीकरणं च प्रदर्शितवन्तः।
कठिन-प्रतिस्पर्धायाः अनन्तरं चेन्नई नगर्याः ओमना “मिस् तिरुनंगई २०२६” इति विजेता घोषिताऽभवत्। सायश्री द्वितीयं स्थानं, सुगी तृतीयं स्थानं च प्राप्तवत्यौ। विजेतॄणां घोषणानन्तरं कार्यक्रम-स्थलम् आनन्द-तालीनिनादैः निनादितम्।
राज्यस्य पूर्वमन्त्री के. पोनमुडी अपि अस्मिन् कार्यक्रमे सहभागी अभवत्। अस्मिन् सन्दर्भे सः उक्तवान् यत् ये पूर्वं “तृतीय-लिङ्ग” इति कथ्यन्ते स्म, तेषां कृते पूर्वमुख्यमन्त्री एम. करुणानिधि “तिरुनंगई” इति सम्मानजनकं नाम दत्तवान्। सः अपि स्मारितवान् यत् २००८ तमे वर्षे ट्रांसजेंडर-कल्याण-मण्डलस्य स्थापना अपि करुणानिधेः कार्यकाले अभवत्।
पोनमुडी उक्तवान् यत् ट्रांसजेंडर-समुदायः समाजात् पृथक्कर्तव्यः न, किन्तु समानतया सम्मानपूर्वकं समाजस्य अभिन्न-अङ्गत्वेन जीवनं यापयितुं तेषां अधिकारः अस्ति। सः सामाजिक-स्वीकार्यता, समान-अवसर-प्रदानस्य च आवश्यकता विषये विशेषं बलं दत्तवान्।
सः अपि अवदत् यत् “कूवागम उत्सवः” केवलं धार्मिक-सांस्कृतिक-आयोजनं न, अपि तु परिलिंगि-समुदायस्य सम्मान, परिचय, अधिकाराणां च एकं महत्त्वपूर्णं मञ्चं जातम् अस्ति। “मिस् तिरुनंगई” इत्यादृश्याः प्रतियोगिताः समाजे सकारात्मक-परिवर्तनस्य समावेशितायाः च सन्देशं प्रसारयन्ति।----------
हिन्दुस्थान समाचार