लखनऊनगरम्, २७ अप्रैलमास: (हि. स.)। मुख्यमन्त्री-योगी-आदित्यनाथेन उत्तरप्रदेश-माध्यमिक-शिक्षा-परिषदः दशमी-द्वादशी-परिणामस्य सन्दर्भे छात्राणां नाम भावपूर्णा लिखिता।

मुख्यमन्त्रिणा योगी-आदित्यनाथेन उत्तरप्रदेश-माध्यमिक-शिक्षा-परिषदः विद्यार्थिभ्यः पत्रं लिखित्वा सफल-विद्यार्थिनः अभिनन्दिताः, तथा असफल-विद्यार्थिनां धैर्यं वर्धयन् उक्तवान्— “सफलता च असफलता च जीवनस्य अङ्गे स्तः, निराशा न कर्तव्या; ‘चरैवेति-चरैवेति’ इति मन्त्रं अनुसृत्य अग्रे गच्छन्तु।”

मुख्यमन्त्री योगी आदित्यनाथेन लिखितम् यत्— “एषा मम पाती विशेषतया तेषां बालकानां कृते अस्ति ये केनचित् कारणेन अपेक्षितं परिणामं प्राप्तुं न शक्तवन्तः। सफलता च असफलता च जीवनस्य अङ्गे स्तः। सफलता एव अस्मान् उत्साहितं करोति, किन्तु असफलता निराशां जनयितुं शक्नोति। अतः अस्माभिः एतां निराशां दूरीकृत्य ‘चरैवेति-चरैवेति’ इति मन्त्रस्य आधारेण अग्रे गन्तव्यम्। ‘चलत, चलत’ इति सन्देशः निरन्तरं परिश्रमं, प्रगतिं तथा जीवनस्य अनवस्थितत्वं बोधयति। स्मर्तव्यम् यत् एका असफलता भविष्यस्य असीमित-सफलतानां सम्भावनानां च जननी भवितुं शक्नोति। किमपि परिणामः जीवनस्य प्रथमः अन्तिमः वा न भवति, अपि तु नूतन-आरम्भस्य अवसरः भवति। यथा सुवर्णं तप्त्वा एव कुन्दनं भवति, तथैव असफलता अपि भविष्यस्य महान् सफलतायाः आरम्भः भवितुं शक्नोति। प्रत्येकं परिणामं नूतन-अवसरस्य सूचकं भवति।”

हिन्दुस्थान समाचार / अंशु गुप्ता