वाराणसी-नगरम्, २८ अप्रैलमासः (हि.स.)। भारतीय-जनता-पार्टी-इत्यस्य राष्ट्रिय-अध्यक्षः नितिन-नवीनः मङ्गलवासरे श्री-काशी-विश्वनाथ-मन्दिरे दर्शनं कृत्वा रुद्राभिषेकं कृतवान्। तेन अत्र सम्पूर्ण-विश्वस्य सुख-शान्ति-समृद्धीनां कृते प्रार्थना कृता।

पूजा-अर्चनानन्तरं सः पत्रकारैः सह संवादे उक्तवान् यत् भगवान्-शिवस्य नगरीं प्राप्य बाबा-विश्वनाथस्य दर्शनस्य शुभ-अवसरः लब्धः, रुद्राभिषेकस्य अपि सौभाग्यं प्राप्तम्। सः काशी-नगरीतः सम्पूर्ण-विश्वस्य सुख-शान्ति-समृद्धीनां कामनां कृतवान्। सः उत्तरप्रदेशस्य अपि उत्तम-प्रदेशत्वेन उन्नतिं कामितवान् तथा उक्तवान् यत् अत्रस्थ-जनाः सदा बाबा-विश्वनाथस्य आशीर्वादं प्राप्नुवन्तु, भविष्येऽपि तत् अविरतं प्रवर्तताम्। सः अपि अवदत् यत् उत्तरप्रदेशः यथा उन्नतिं प्रति अग्रे गच्छति, तस्य गौरवशाली इतिहासः अपि अस्ति, भविष्येऽपि राज्यं स्वर्णिमं भविष्यति।

अस्मिन् अवसरे उपमुख्यमन्त्री केशव-प्रसाद-मौर्यः, ब्रजेश-पाठकः, राज्यमन्त्री (स्वतन्त्र-प्रभारः) रविन्द्र-जयसवालः, मन्त्री डॉ.दयाशंकर-मिश्रः, भाजपा-प्रदेशाध्यक्षः पङ्कज-चौधरी तथा वाराणसी-दक्षिण-क्षेत्रस्य विधायकः डॉ.नीलकण्ठ-तिवारी इत्यादयः उपस्थिताः आसन्।

हिन्दुस्थान समाचार / अंशु गुप्ता