Enter your Email Address to subscribe to our newsletters
वाराणसी-नगरम्, २८ अप्रैलमासः (हि.स.)। भारतस्य प्रधानमन्त्री नरेन्द्रमोदी-महाभागः मङ्गलवासरे स्वीय-द्विदिनात्मक-यात्रायां स्व-सांसदीय-क्षेत्रं वाराणसी-नगरं प्राप्तवान्। बाबतपुर-स्थिते लालबहादुर-शास्त्री-अन्ताराष्ट्रिय-विमानतले ‘एयर-इण्डिया-वन’ इत्याख्येन विशेष-विमानेन आगत्य यदा सः विमानतलं अवतीर्णः, तदा तत्र पूर्वमेव उपस्थिताभ्यां राज्यपाल-आनन्दीबेन-पटेल-महाभागया तथा मुख्यमन्त्रिणा योगी-आदित्यनाथेन पुष्पगुच्छं प्रदाय सस्नेहं स्वागतं कृतम्। अत्र स्वागतकर्तृषु उपमुख्यमन्त्री केशव-प्रसाद-मौर्यः, ब्रजेश-पाठकः इत्यादयः अपि आसन्।
अस्मिन् अवसरे प्रधानमन्त्री मोदी-महाभागः मुख्यमन्त्रिणा सह अन्यैः विशिष्ट-जनैः सह किञ्चित्कालं संवादं कृतवान्। ततः परं सः कटीना-सुरक्षा-व्यवस्थायाः मध्ये वायुसेनायाः हेलिकॉप्टर-माध्यमेन बरेका-स्थानं प्रति प्रस्थितः। बरेका-स्थिते अस्थायी-हेलिपदे अपि राज्यपाल-आनन्दीबेन-पटेल-महाभागया तथा मुख्यमन्त्रिणा योगी-आदित्यनाथेन पुनः पुष्पगुच्छं प्रदाय सस्नेहं तस्य मार्गप्रशस्तं कृतम्।
तत्रैव प्रधानमन्त्रिणः स्वागतं भाजपायाः राष्ट्रिय-अध्यक्षेन नितिन-नवीनेन, उपमुख्यमन्त्री-द्वयेन केशव-प्रसाद-मौर्येन ब्रजेश-पाठकेन च, प्रदेशाध्यक्षेन पङ्कज-चौधरी इत्यादिभिः अन्यैः मन्त्रिभिः कृतम्। स्व-सांसदीय-क्षेत्रे वाराणस्यां चतुश्चत्वारिंशत्-तमवारं आगतः प्रधानमन्त्री मोदी-महाभागः बरेका-इण्टर-कॉलेज-प्रांगणे निर्मितात् विशाल-मञ्चात् महिला-सम्मेलनं सम्बोधयिष्यति। अस्मिन् सम्मेलने मञ्चात् गैलरी-पर्यन्तं केवलं महिलानां उपस्थिति: भविष्यति। महिला-सम्मानं, सुरक्षा, स्वावलम्बनम्, समान-अवसराः इत्यादिषु विषयेषु सः ताभिः सह संवादं करिष्यति।
भाजपायाः काशी-क्षेत्र-अध्यक्षेन दिलीप-पटेल-महाभागेन उक्तं यत् जनसभा-स्थलात् एव प्रधानमन्त्री स्व-सांसदीय-क्षेत्राय ६३३२-कोटि-रूप्यक-परिमितानां १६३-परियोजनानां उपहारं दास्यति। एतेषु १०५४.६९-कोटि-रूप्यक-परिमितानां ५०-योजनानां लोकार्पणं तथा ५२७७.३९-कोटि-रूप्यक-परिमितानां ११३-योजनानां शिलान्यासः समाविष्टः अस्ति। तेन सह ‘बनास (अमूल)’ इत्यनेन सम्बद्धानां प्रदेशस्य लक्षशः दुग्ध-उत्पादक-कृषकान् प्रति १०५-कोटि-रूप्यक-परिमितः बोनस इत्यपि स्थानान्तरितः भविष्यति। अतिरिक्ततया सः द्वे नूतने ‘अमृत-भारत-एक्सप्रेस’ रेलयान-सेवे—वाराणसी-पुणे (हडपसर) तथा अयोध्या-मुम्बई (लोकमान्य-तिलक-टर्मिनस)—इत्येतयोः शुभारम्भं हरित-ध्वजेन करिष्यति। रात्रौ विश्रान्तिं कृत्वा अनन्तरं सः परदिने बाबा-विश्वनाथ-मन्दिरे दर्शन-पूजनं करिष्यति।
हिन्दुस्थान समाचार / अंशु गुप्ता