लखनऊ-नगरम्, २९ अप्रैलमासः (हि.स.)। उत्तरप्रदेशस्य राजधानी-लखनऊ-नगरस्थे पुलिस-प्रशिक्षण-निदेशालये बुधवासरे पशु-संरक्षण-विषये एकदिवसीय-कार्यशालायाः आयोजनं कृतम्। पशु-संरक्षण-विधीनां व्यावहारिक-सम्यक्-ज्ञानं प्राप्तुं प्रदेशस्य ४४ अधिकारिणः अस्मिन् कार्यक्रमे प्रतिभागं कृतवन्तः।

कार्यशालायाः उद्घाटनं पुलिस-महानिदेशक-प्रशिक्षणः राजीव-सभरवालः कृतवान्। तेन पशु-संरक्षणस्य महत्त्वं, विधिक-प्रावधानानां प्रभावी-क्रियान्वयनं तथा पुलिस-व्यवस्थायाः संवेदनशील-भूमिका इत्येषु विशेषं बलं दत्तम्।

अस्मिन् अवसरे अपर-आरक्षक-महानिदेशकः (प्रशिक्षण) बी.डी.पाल्सनः तथा प्रदेशस्य विविध-जनपदेभ्यः आगताः ४४ राजपत्रित-अधिकारिणः, संयुक्त-निदेशक-अभियोजनाः तथा वरिष्ठ-अभियोजन-अधिकारिणः च सहभागं कृतवन्तः।

कार्यशालायां विशेषज्ञैः पशु-अधिनियमः, पशु-परिवहनम्, व्यापारः तथा वधशाला-सम्बद्धाः विधिक-पक्षाः विस्तरेण विवृता:। तैः न्यायानां प्रभावी-क्रियान्वयनस्य तथा प्रकरण-विवेचनस्य विषये अपि मार्गदर्शनं दत्तम्।

कार्यशालायाः उद्देश्यं आरक्षक-तथा-अभियोजन-अधिकारीणां मध्ये संवेदनशीलतायाः तथा जागरूकतायाः सुदृढीकरणम् आसीत्। इयं कार्यशाला प्रदेशे पशु-संरक्षण-विधीनां प्रभावी-पालनाय तथा मानवीय-दृष्टिकोणस्य प्रवर्धनाय एकः महत्वपूर्णः प्रयासः इति आयोजकैः उक्तम्।

हिन्दुस्थान समाचार / अंशु गुप्ता