Enter your Email Address to subscribe to our newsletters
फर्रुखाबादम्,29 अप्रैलमासः (हि.स.)।आर्मी वेलफेयर एजुकेशन सोसाइटी इत्यस्य स्थापना दिवसः फतेहगढ़ छावनी स्थित आर्मी पब्लिक स्कूल इत्यस्मिन् विद्यालये धूमधामेन आचरितः। अस्मिन् उपलक्ष्ये विद्यालये नानाविधानि कार्यक्रमाणि आयोजितानि।
अस्मिन् अवसरे विशेष प्रार्थना सभा अपि आसीत्। विद्यालयस्य वरिष्ठाः छात्राः नुक्कड नाटकस्य माध्यमेन सैनिकानां सन्तानानां कृते उत्तम प्रारम्भिक शिक्षातः आरभ्य व्यावसायिक शिक्षापर्यन्तं आर्मी वेलफेयर एजुकेशन सोसाइटी इत्यस्य महत्त्वपूर्णं योगदानं प्रदर्शितवन्तः। छात्राभिः “टुकड़ा टुकड़ा सी करके सपना एक बनाया” इति गीतस्य उपरि सामूहिक नृत्यं प्रस्तुतम्।
द्वादश कक्षायाः छात्रा आरजू राठौर सैनिकसन्तानानां कृते पूर्व प्राथमिक शिक्षातः आरभ्य तकनीकी शिक्षापर्यन्तं कृतानां प्रयासानां उपलब्धीनां च विषये प्रकाशं कृतवती। द्वादश कक्षायाः छात्रा आराध्या सिंह रामधारी सिंह दिनकरस्य “नित जीवन के संघर्षों से जब टूट चुका हो अन्तर्मन” इति कवितायाः ओजस्वि पाठं कृत्वा सर्वेषां प्रशंसां प्राप्तवती।
विद्यालयस्य छात्रैः विद्यालय गीतं प्रस्तुत्य संस्थायाः कार्याणि प्रशंसितानि। अस्मिन् अवसरे बास्केटबॉल क्रीडा तथा प्रश्नोत्तरी प्रतियोगिता अपि आयोजिते।
कार्यक्रमस्य अन्ते कार्यवाहक प्रधानाचार्य नितिन चतुर्वेदी छात्राणां उत्कृष्ट प्रदर्शनस्य प्रशंसां कृतवान्। तेन उक्तं यत् एषः महान् प्रयासः बालकेषु आत्मविश्वासं नेतृत्व विकासं आत्मनिर्भरता च वर्धयति।
विद्यालयस्य अध्यक्षः ब्रिगेडियर मनीष कुमार जैन अपि स्थापना दिवसस्य अवसर उपलक्ष्य विद्यालय परिवाराय शुभकामनाः प्रेषितवान्। तेन उक्तं यत् एषा संस्था शिक्षाक्षेत्रे अनुकरणीयं कार्यं करोति तथा सैनिकसन्तानानां उज्ज्वल भविष्य निर्माणे महत्त्वपूर्णां भूमिकां निर्वहति।
अस्मिन् कार्यक्रमे अंजना चौहान पूर्णिमा अग्निहोत्री नैन्सी शिवाली वर्मा सुनील कुमार त्रिपाठी इत्यादयः बहवः अध्यापकाः अपि स्वमहत्त्वपूर्णं योगदानं दत्तवन्तः।
हिन्दुस्थान समाचार