Enter your Email Address to subscribe to our newsletters
सीवान-नगरम्, २९ अप्रैलमासः (हि.स.)। सीवान-नगरस्थिते पूर्व-सांसद-स्वर्गीय-उमाशंकर-सिंहस्य आवास-परिसरे महान-दानवीर-भामाशाहस्य सम्मानार्थं आयोजितः विशेषः कार्यक्रमः श्रद्धा-सम्मान-राष्ट्रभक्ति-भावनायाः च वातावरणे सम्पन्नः।
समारोहॆ भाजपा-नेतृभिः, सामाजिक-कार्यकर्तृभिः, गणमान्य-नागरिकैः तथा मीडिया-प्रतिनिधिभिः सह उल्लेखनीया उपस्थिति: प्रदर्शिता।
कार्यक्रमे वक्तृभिः भामाशाहस्य अद्वितीयः त्यागः, पराक्रमः तथा राष्ट्र-रक्षणे योगदानं स्मर्यते स्म। ते उक्तवन्तः यत् भामाशाहः केवलं दानवीरः नासीत्, अपि तु महाराणा-प्रतापस्य विश्वसनीयः सहयोगी, मित्रं तथा परामर्शदाता आसीत्, येन मेवाड़-स्वातन्त्र्य-सङ्ग्रामः सुदृढः कृतः।
भाजपा-नेता जितेन्द्र-स्वामी उक्तवान् यत् भामाशाह-महाराणा-प्रतापयोः सम्बन्धः राष्ट्रधर्मस्य तथा स्वाभिमान-रक्षणस्य प्रतीकम् अस्ति। कठिन-सङ्घर्ष-काले भामाशाहेन स्वकीयं सर्वस्वं समर्प्य सेनायै तथा स्वातन्त्र्य-सङ्ग्रामाय नूतना ऊर्जा प्रदत्ता।
पूर्व-सांसदः ओमप्रकाश-यादवः उक्तवान् यत् भामाशाहस्य जीवनं त्यागस्य, समर्पणस्य तथा राष्ट्रभक्तेः अद्वितीयं उदाहरणम् अस्ति, यत् अद्यापि सर्वान् भारतीयान् राष्ट्रहिते कार्यं कर्तुं प्रेरयति।
भाजपा-जनपद-उपाध्यक्षः मुकेश-कुमार-बंटी उक्तवान् यत् भामाशाहस्य आदर्शः समाजाय सदैव प्रेरणास्रोतः भविष्यति तथा तस्य विचाराणां नव-पीढ्यां यावत् प्रसारणमेव सत्य श्रद्धाञ्जलिः अस्ति।
कार्यक्रमे विश्वकर्मा-चौहानः, रुपेश-सोनी, अनुराधा-गुप्ता, देवेंद्र-गुप्ता, सुग्रीव-सोनी, रजनीकान्त-सेठः, रैशन-कुमारः, संजय-प्रसादः, पप्पू-प्रसाद-जयसवालः, संजीव-गुप्ता, डॉ.राजा-प्रसादः, गुड्डू-सोनी, मुन्ना-शर्मा, बादल-ब्याहुतः, रवि-चौरसिया इत्यादयः गणमान्याः उपस्थिताः आसन्।
अन्ते सर्वैः उपस्थितैः भामाशाहस्य आदर्शान् आत्मसात् कृत्वा राष्ट्रसेवा, सामाजिक-समरसता तथा समाजहिते निरन्तरं कार्यं कर्तुं सामूहिकः संकल्पः कृतः।
हिन्दुस्थान समाचार / अंशु गुप्ता