Enter your Email Address to subscribe to our newsletters
जूनागढ़म्, 29 मईमासः (हि.स.)। लोकतन्त्रे बहुषु अवसरषु एतादृशं दृश्यते यत् स्पष्टबहुमतस्य अस्तित्वेऽपि तकनीकी-कानूनी-परिस्थितयः सम्पूर्णं परिणामं परिवर्तयन्ति। तथैव एकः रोचकः प्रसंगः गुजरात-राज्यस्य जूनागढ़-जिलायाः भेसाण-तहसील-पञ्चायत्यां दृष्टः।
अत्र हालसमये सम्पन्नेषु निर्वाचनपरिणामेषु आम-आदमी-पार्टी (आआपा) १६ मध्ये १३ आसनेषु विजयम् प्राप्तवती, स्पष्टबहुमतं च अधिगतवती। अपरतः सत्तारूढा भारतीय-जनता-पार्टी (भाजपा) केवलं ३ आसनानि एव प्राप्तवती।
किन्तु विस्मयकारिणी वस्तु अस्ति यत् एतादृश्या महान् विजयस्य अपि अनन्तरं आआपा सत्तायाः केन्द्रात् बहिः भविष्यति। अस्य मुख्यकारणं आरक्षणव्यवस्थायाः गणितम् अस्ति। अस्मिन् समये भेसाण-तहसील-पञ्चायत्यां अध्यक्षपदं अनुसूचित-जातये (एससी) आरक्षितम् अस्ति, तथा च आआपायाः सर्वेऽपि अनुसूचित-जातीयाः प्रत्याशिनः अस्मिन् निर्वाचने पराजिताः अभवन्। अतः अध्यक्षपदाय योग्यः कश्चन सदस्यः तेषां समीपे नास्ति।
अपरतः भाजपा-पक्षस्य ३ विजयी सदस्येषु भिखाभाई मकवाणा नामकः एकः एव अनुसूचित-जातीयः सदस्यः अस्ति। नियमेन अध्यक्षपदे अनुसूचित-जातीयस्य एव नियुक्तिः भवितव्या, अतः भिखाभाई मकवाणा अध्यक्षः भविष्यति इति प्रायः निश्चितम्।
एवं जनैः बहुमतं आआपायै दत्तम् अपि, तथापि तकनीकी-कारणैः तथा आरक्षणव्यवस्थया सत्ता भाजपा-पक्षस्य हस्ते गच्छन्ती दृश्यते।
---------------
हिन्दुस्थान समाचार