राँची-नगरम्, २९ अप्रैलमासः (हि.स.)। केन्द्रीय-कला-संस्कृति-पर्यटन-मन्त्री गजेन्द्र-सिंह-शेखावतः बुधवासरे नव-देहली-नगरे रक्षा-राज्य-मन्त्री संजय-सेठेन सह साक्षात्कारं कृतवान्। अस्मिन् अवसरे वन्दे-मातरम् इत्यस्य गौरवपूर्णस्य १५०-वर्ष-पूर्त्युपलक्ष्ये राँची-नगरे आयोज्यमानस्य सांसद-सांस्कृतिक-महोत्सवस्य विषये विस्तृतः विचार-विमर्शः अभवत्।

साक्षात्कार-काले रक्षा-राज्य-मन्त्री संजय-सेठः केन्द्रीय-मन्त्रिणं गजेन्द्र-सिंह-शेखावतं महोत्सवस्य समापन-समारोहे मुख्य-अतिथिरूपेण सहभागं कर्तुं आमन्त्रितवान्। तेन च मन्त्रिणः स्वीय-गरिमामय-उपस्थितेः सहमति: प्रदत्ता।

वस्तुतः एषः भव्यः सांस्कृतिक-महोत्सवः १, २ तथा ३ मई २०२६ इति तिथिषु राँची-नगरे आयोज्यते। अस्य आयोजनस्य उद्देश्यं वन्दे-मातरम् इत्यस्य ऐतिहासिक-परम्परा, राष्ट्रीय-चेतना तथा सांस्कृतिक-गौरवं जन-जनपर्यन्तं प्रापयितुम् अस्ति। अस्मिन् कार्यक्रमे देशभक्ति-परिपूर्णाः सांस्कृतिक-प्रस्तुतयः, विविध-कलाप्रदर्शनानि, कलाकाराणां सहभागिता तथा जनप्रतिनिधीनाम् उपस्थितिः भविष्यति।

सांसद-सांस्कृतिक-महोत्सवाय राँची-नगरे सज्जताः तीव्रतया क्रियन्ते। आयोजकैः उक्तं यत् वन्दे-मातरम् इत्यस्य १५०-वर्ष-पूर्तिः न केवलं ऐतिहासिकः अवसरः, अपि तु नव-पीढ्याः राष्ट्रभक्ति-संस्कृत्याः च सह सम्बन्ध-स्थापनाय सशक्तं माध्यमम् अस्ति।

हिन्दुस्थान समाचार / अंशु गुप्ता