Enter your Email Address to subscribe to our newsletters
काठमांडूः, 29 अप्रैलमासः (हि.स.)।
नेपाल-देशे बालेन्द्र-शाहस्य नेतृत्वे सर्वकारगठनस्य अनन्तरं चीन-देशेन सह प्रथमः समझौतः सम्पन्नः। अस्याः सन्धेः अन्तर्गतं चीनः काठमाण्डू-नगरस्य रिङ्ग-रोड-निर्माणार्थं ११०० कोटि-नेपाली-रूप्यकाणां (प्रायः ६८७ कोटि-भारतीय-रूप्यकाणां) अनुदानं दास्यति।
नेपाल-देशस्य भौतिक-अवसंरचना-परिवहन-नगरीय-विकास-मन्त्री सुनील-लम्सालः तथा चीन-देशस्य राजदूतः झेंग-मोमिंगः इत्येतयोः मध्ये बुधवासरे सम्पन्नायां बैठके समझौता-पत्रे हस्ताक्षरं कृतम्।
समझौतानुसारं रिङ्ग-रोड-विस्तारस्य द्वितीय-चरणे काठमाण्डोः कलङ्की-प्रदेशात् वसुन्धरा-प्रदेशपर्यन्तं ८.२ किलोमीटर-दीर्घस्य मार्गस्य पुलस्य च निर्माणं भविष्यति। अस्य कृते चीन-सरकारः प्रायः ११०० कोटि-नेपाली-रूप्यकाणां अनुदान-सहाय्यं प्रदास्यति। पूर्वं २०१९ वर्षात् आरभ्य प्रथम-चरणे कोटेश्वर-प्रदेशात् कलङ्की-प्रदेशपर्यन्तं मार्ग-विस्तार-कार्यं सम्पन्नम्।
समझौतानन्तरं मन्त्री सुनील-लम्सालः माध्यमैः सह संवादे अवदत् यत् परियोजना-कार्यान्वयन-काले यदि काचित् समस्या उत्पद्यते, तर्हि सा एकस्मिन् दिने एव समाधानं प्राप्स्यति तथा अपेक्षितं सहयोगं प्रदास्यते।
सः अवदत् यत् उत्तर-दक्षिण-संयोजन-मार्ग-निर्माणं सरकारस्य प्राथमिकता अस्ति तथा नेपालस्य अवसंरचना-विकासे चीन-सरकारात् अधिकं निवेशं अपेक्ष्यते।
अन्यतः चीन-राजदूतः झेंगः अवदत् यत् यदि उपयुक्तं निवेश-पर्यावरणं निर्मीयते, तर्हि चीन-देशस्य बहवः निवेशकाः नेपाल-देशे निवेशं कर्तुं इच्छन्ति।
--------------
हिन्दुस्थान समाचार