मीरजापुर-जनपदः (उत्तरप्रदेशः), २९ अप्रैलमासः (हि.स.)। विंध्याचल-स्थिते प्रसिद्धे विंध्यवासिनी-देवी-मन्दिरे बुधवासरे प्रातः भारतीय-जनता-पक्षस्य अध्यक्षः नितिन-नवीन-महाभागः आगत्य विधिवत् माता-विन्ध्यवासिनी-देव्याः दर्शन-पूजनम् अकरोत्। सः मातुः चरणयोः नत्वा देशस्य प्रदेशस्य च सुख-समृद्धेः, शान्तेः तथा जनकल्याणस्य कामनां कृतवान्।

विंध्यवासिनी-धाम्नः प्रधान-अर्चकः अगस्त्य-कुमार-द्विवेदी महाभागः तस्य विधिवत् दर्शन-पूजनं कारितवान्। अस्मिन् कार्यक्रमे नगर-विधायकः रत्नाकर-मिश्रः अपि उपस्थितः आसीत्। प्रातः तस्य आगमन-समये मन्दिर-परिसरे सुरक्षायाः व्यापकाः प्रबन्धाः कृताः आसन्। प्रशासन-पुलिस-अधिकारीणः पूर्वमेव सज्जाः आसन्, येन श्रद्धालूनां सुचारु-गमनागमनं सुनिश्चितं जातम्।

माता-विन्ध्यवासिनी-देवी-मन्दिरं प्राप्ते नितिन-नवीन-महाभागस्य कार्यकर्तृभिः सुस्वागतम् अकारि। दर्शन-पूजनानन्तरं सः जनानां अभिवादनं स्वीकृतवान्।

हिन्दुस्थान समाचार / अंशु गुप्ता