Enter your Email Address to subscribe to our newsletters
गुवाहाटीनगरम्, ०३ अप्रैलमासः (हि.स.)। ऑल-इण्डिया-मजलिस-ए-इत्तेहादुल-मुस्लिमीन (एआईएमआईएम) प्रमुखः हैदराबाद-क्षेत्रात् सांसदः असदुद्दीन-ओवैसी शुक्रवासरे असम-राज्यस्य बराक-घाटी-प्रदेशे ऑल-इण्डिया-यूनाइटेड-डेमोक्रेटिक-फ्रण्ट् (एआईयूडीएफ) पक्षस्य समर्थनार्थं निर्वाचन-प्रचारं कुर्वन् ‘मियां’-समुदायं एकत्रीभूय भारतीय-जनता-पक्षं (भाजपा) सत्तातः बहिः कर्तुं आह्वानं कृतवान्।
निर्वाचन-सभाः सम्बोधयन् ओवैसी “मियां-जिन्दाबाद” इति घोषं कृतवान् तथा उक्तवान् यत् अस्मिन् पर्याये समुदायः संगठितः भूत्वा एआईयूडीएफ-पक्षे मतदानं करोतु, येन भाजपापक्षं पराजेतुं शक्यते। सः अवदत् यत् ‘मियां’-समुदायस्य अस्तित्वं तस्य परिचयश्च सर्वदा अवस्थितौ भविष्यतः।सांसदः ओवैसी भाजपा-सर्वकारेण सञ्चाल्यमानानां कथित-बेदखली-अभियानानां विरोधं कृत्वा जनान् ९ अप्रैल-मासे मतदानेन तस्य उत्तरं दातुम् आहूतवान्। तेन उक्तं यत् निर्धनाः अल्पसंख्यकाः लक्ष्यीकृताः सन्ति।
काङ्ग्रेस-पक्षम् अपि लक्ष्यीकुर्वन् तेन आरोपः कृतः यत् दलं निर्धन-‘मियां’-परिवाराणां बेदखली-विरुद्धं किमपि दृढ-पदम् न अकरोत्। तेन उक्तं यत् काङ्ग्रेस-पक्षाय मतं दत्त्वा समुदायाय कश्चन लाभः न भविष्यति।
ओवैसी इदमपि उक्तवान् यत् असम-राज्ये ‘मियां’-समुदायस्य सुरक्षा-अधिकार-सम्मानानां संघर्षं केवलम् एआईयूडीएफ एव वहति, तथा जनान् दलस्य समर्थनं कर्तुम् आह्वानं कृतवान्।
हिन्दुस्थान समाचार / अंशु गुप्ता