राज्यपाल रमेन डेका सरायपाल्यां विकासखंडस्तरीय अधिकारिणामुपवेशनं संजातम्

जैविककृषिः प्रोत्साहनीया ,तंडुलानां गुणवत्ता एडिशनरूपेण अंकनीया

रायपुरम्, 03 अप्रैलमासः (हि.स.)।

राज्यपालः रमेन डेका जलसंरक्षणकार्याणां प्रशंसां कृत्वा कृषकान् डबरी-खननार्थं अधिकाधिकं प्रोत्साहितुं निर्देशान् अदात्। उक्तं यत् विकासखण्डे 218 डबरी स्वीकृताः सन्ति तथा बहवः निर्माणकार्याः सम्पन्नाः सन्ति। राज्यपालः कार्येषु अधिकवेगस्य आवश्यकता अस्ति इति अपि अवदत्। अद्य शुक्रवासरे सरायपाली-प्रवासस्य समये विश्रामगृहे विकासखण्ड-स्तरीयानाम् अधिकारिणां समीक्षा-सभां चक्रे। तत्र विविधजनकल्याणकारी-योजनानां विकासकार्याणां च प्रगतिविषये विस्तृतया सूचनां गृहीत्वा आवश्यकनिर्देशान् अदात्।

राज्यपालः वृक्षारोपणं जनआन्दोलनरूपेण संचालितुं बलं दत्त्वा उक्तवान् यत् “एकः वृक्षः मातुः नाम्ना” अभियानस्य अन्तर्गतं व्यापकस्तरे पौधरोपणं क्रियताम्। कैंपा-मनरेगा-माध्यमाभ्यां विशाल-वृक्षारोपणं कृत्वा शासकीय-भवनेषु विश्रामगृह-परिसरेषु ग्रामीण-क्षेत्रेषु च फलदायिनः छायादाराः च वृक्षाः रोप्यन्ताम्। विभागेन उक्तं यत् क्षेत्रे प्रायः 1.50 लक्षाणि पौधरोपणानि कृतानि सन्ति तथा अमृतसरोवराणां समीपे अपि हरितविकासः प्रोत्साहितः अस्ति। तत्र जनसहभागिता वर्धयितुं निर्देशाः दत्ताः।

कृषिक्षेत्रस्य समीक्षा कृत्वा राज्यपालः जैविक-प्राकृतिक-कृषेः प्रोत्साहनं रासायनिक-उर्वरकाणां उपयोगस्य न्यूनता धानस्य सह उद्यानिकी-फसलानां समावेशं च बलं दत्तवान्। सः जैविक-चावलस्य मूल्यवर्धनेन कृषकाणां आयवृद्ध्यर्थं प्रयासान् प्रोत्साहितुं निर्देशान् अदात्। स्वच्छभारत-मिशनस्य समीक्षायां गृहात् गृहं प्रति कच्रसंग्रहणं प्रभावीकरणीयं हितग्राहिभ्यः सेवा-शुल्कं ग्राह्यम् सार्वजनिक-शौचालयानां नियमित-स्वच्छता-उपयोगः च सुनिश्चितः इति निर्देशाः दत्ताः।

स्वास्थ्य-विभागस्य समीक्षायां राज्यपालः क्षयरोगिणां विषये जानकारीं गृहीत्वा तेषां उपचारस्य सतत-निरीक्षणं करणीयम् इति निर्देशान् अदात्। सः समाजस्य सक्षम-व्यक्तीन् क्षयरोगिणः गोद्-ग्रहणाय प्रेरयितुं रेडक्रॉस-संस्थया सह सम्बद्धतां स्तनकर्करोगसर्वाइकल-कैंसर मोतियाबिन्दु-चिकित्सायाः विषये जागरूकता-अभियानानि शिविराणि च आयोजयितुं बलं दत्तवान्। एम्स-संस्थया सह समन्वयं स्थाप्य उत्तम-चिकित्सा सुनिश्चितीकरणीयम् इति अपि उक्तवान्।

राज्यपालः योगं जनजनपर्यन्तं प्रसारयितुं बलं दत्त्वा उक्तवान् यत् बालकेषु प्रारम्भात् एव योगाभ्यासस्य अभ्यस्तता विकसितव्या तथा तदर्थं नियमित-प्रशिक्षणं कक्षाश्च संचालयितव्याः। अधिकाधिकाः पुस्तकालयाः उद्घाटनीयाः महिला-स्वसहायता-समूहान् आजीविका-क्रियासु संयोज्य “लखपति दीदी” निर्माणाय कार्यं कर्तव्यम् इति निर्देशाः दत्ताः।

अस्यां सभायां सरायपाली-क्षेत्रस्य विधायकः चतुरीनन्द अपि उपस्थिताः आसन्। अस्मिन् अवसरः कलेक्टरः विनय लंगेह जनपदे सञ्चालितानां विकासकार्याणां प्रमुख-योजनानां च प्रगतिविषये विवरणं प्रस्तुतवान्। सभायां पुलिस-अधीक्षकः प्रभातकुमारः जिला-पञ्चायत-सीईओ हेमन्तनन्दनवारः अपर-कलेक्टरः सचिनभूतड़ा एसडीएम अनुपमा आनन्दः अन्ये विकासखण्ड-स्तरीय-अधिकारीणः च उपस्थिताः आसन्।

---------------

हिन्दुस्थान समाचार