Enter your Email Address to subscribe to our newsletters
-बॉक्सर मेरीकॉम अथ फुटबॉलर बाइचुंग भूटिया चापि सम्मेलिष्यति
रायपुरम् 03 अप्रैलमासः (हि.स.)।
मुख्यमन्त्री विष्णुदेवसायः छत्तीसगढ़-राज्यस्य आतिथ्ये देशे प्रथमवारं आयोजितस्य “खेलो-इण्डिया ट्राइबल-गेम्स” इत्यस्य समापन-समारोहे मुख्य-अतिथिः भविष्यति। रायपुर-नगरे पण्डित-दीनदयाल-उपाध्याय-प्रेक्षागृहे अद्य शुक्रवासरे सायं पञ्चवादने अस्य आयोजनं कृतम् अस्ति।
मेरीकॉम अथ फुटबॉलर बाइचुंग भूटिया अपि विशेष-अतिथिरूपेण अस्मिन् समारोहे सहभागं करिष्यतः। राज्यस्य त्रिषु नगरेषु—रायपुर, अम्बिकापुर, जगदलपुर—गतस्य मार्च-मासस्य पञ्चविंशतितः आरभ्य विविधाः क्रीडा-प्रतियोगिताः आयोजिताः आसन्। अस्मिन् देशस्य त्रिंशत्-राज्यानां केन्द्रशासित-प्रदेशानां च समीपे द्विसहस्राधिकाः जनजातीय-खिलाडिनः अधिकारीणश्च सहभागिनः अभवन्।
उपमुख्यमन्त्री तथा क्रीडा-युवा-कल्याणमन्त्री अरुणसावः अस्य समापन-समारोहस्य अध्यक्षतां करिष्यति। केन्द्रीय-आवास-शहरी-कार्य-राज्यमन्त्री तोखनसाहुः, छत्तीसगढ़-विधानसभाध्यक्षः डॉ रमनसिंहः तथा उपमुख्यमन्त्री विजयशर्मा अपि विशिष्ट-अतिथिरूपेण उपस्थिताः भविष्यन्ति।
राज्य-शासनस्य सर्वे मन्त्रिणः, सांसदः बृजमोहनअग्रवालः, रायपुर-जिलायाः सर्वे विधायकाः, महापौरः, जिला-पञ्चायत-अध्यक्षः तथा छत्तीसगढ़-राज्य-युवा-आयोगस्य अध्यक्षः अपि विशिष्ट-अतिथिरूपेण समापन-समारोहे सहभागं करिष्यन्ति।
हिन्दुस्थान समाचार