Enter your Email Address to subscribe to our newsletters
अशेाक नगरम्, 03 अप्रैलमासः (हि.स.)।
केन्द्रीय-सञ्चार-मन्त्रिणः तथा पूर्वोत्तर-क्षेत्र-विकास-मन्त्रिणः ज्योतिरादित्यसिन्धियः अद्य शुक्रवासरात् मध्यप्रदेशस्य अशोकनगर-जिलायाः प्रवासे भविष्यति। अस्मिन् अवसरे सः विविधेषु कार्यक्रमेषु सहभागं करिष्यति तथा विकास-कार्याणां शुभारम्भं करिष्यति।
जिलाप्रशासनेन निर्गतस्य कार्यक्रमानुसारं केन्द्रीय-मन्त्री सिन्धियः प्रातः एकादशवादने ग्रामे कजराय्यां सेतु-पञ्चायत-भवनयोः लोकार्पणं करिष्यति। ततः परं सः मध्याह्ने द्वादशवादन-पञ्चत्रिंशत् समये ग्रामे सीगोन, अपराह्णे एकवादन-पञ्चदशसमये ग्रामे गरेठी च स्थानीय-कार्यक्रमेषु सहभागी भविष्यति। ततः अपराह्णे द्विवादने सः पिपरई-नगरं प्राप्य जनसुनवाई-कार्यक्रमे नागरिकानां समस्याः श्रोष्यति।
अनन्तरं सायंकाले पञ्चवादने सः मुंगावली-नगरपरिषद्-मैदाने विकास-परियोजनानां लोकार्पणं शिलान्यासं च करिष्यति।
केन्द्रीय-मन्त्री सिन्धियः रात्रौ अष्टवादन-पञ्चचत्वारिंशत् समये शान्तिनाथ-मन्दिरे स्थानीय-कार्यक्रमे सहभागं करिष्यति। ततः परं सः अशोकनगर-स्थिते सर्किट-हाउस् इत्यत्र रात्रि-विश्रामं करिष्यति।
---------------
हिन्दुस्थान समाचार