मीरजापुरम्, ०३ अप्रैलमासः (हि.स.)। उत्तरप्रदेशस्य मीरजापुर-जनपदे हनुमज्जन्मोत्सवस्य अवसरे चुनार-क्षेत्रस्य रुदौली-ग्रामे साधो-माधो-सेतु-समीपे स्थिते प्राचीन-हनुमान-मन्दिरे गुरुवासर-रात्रौ भव्यं धार्मिक-आयोजनम् अभवत्। अस्मिन् काले हनुमतः आकर्षकः श्रृङ्गारः कृतः, ततः सुन्दरकाण्ड-पाठः सम्पन्नः, अनन्तरं भव्य-जागरणस्य आयोजनं कृतम्।

जागरणे वाराणसीतः आगतः प्रसिद्धः भजन-गायकः हंसराज-यादवः तथा गायिका पिंकी-मिश्रा स्वरसौन्दर्येण सर्वान् आकृष्टवन्तौ। हंसराज-यादवः “श्रीराम-जानकी बैठे हैं मेरे सीने में”, “दुनिया चले ना श्रीराम के बिना” तथा “रामजी मिले ना हनुमान के बिना” इत्यादीनां भजनानां प्रस्तुतिं कृत्वा करतालिकाः अलभत। अपरतः पिंकी-मिश्रा “नाही खाइब मेवा मिश्री, नाही रबड़ी मलाई” इति भजनं प्रस्तूय श्रोतॄन् मन्त्रमुग्धान् अकरोत्।

सम्पूर्ण-आयोजनस्य समये श्रद्धालवः भक्तिरसे निमग्नाः दृश्यन्ते स्म तथा रात्रिं यावत् भजनैः सह आनन्दिताः आसन्। मन्दिर-परिसरे भक्तेः उत्साहस्य च अद्भुतं वातावरणं विराजमानम् आसीत्। अस्मिन् अवसरे आयोजकाः पारसनाथ-यादवः, आशा-यादवः, कैलाश-विश्वकर्मा, अमरु-यादवः (विधायकः), रामचन्द्र-यादवः, पंकज-यादवः इत्यादिभिः सह बहुसंख्यकाः रामभक्ताः उपस्थिताः आसन्।

हिन्दुस्थान समाचार / अंशु गुप्ता