नव-देहली-नगरम्, ३० अप्रैलमासः (हि.स.)। राष्ट्रिय-स्वयंसेवक-संघस्य सरकार्यवाहः दत्तात्रेय-होसबाले-महाभागः भारतीय-जनता-पार्टी-वरिष्ठ-नेतारं पूर्व-सांसदम् बलबीर-पुञ्जं प्रति श्रद्धाञ्जलिं प्रदाय अवदत् यत् सः सर्वेषां कृते भारतस्य सांस्कृतिक-चेतनायाः मूर्तिमान् रूपः आसीत्। सः कदापि मूल्यानां सह सम्झौतम् न अकरोत्। सः आदर्शः स्वयंसेवकः आसीत्। तस्मिन् भारतीयता-विचारस्य सुदृढीकरणे अद्भुता भावना आसीत्। बलबीर-पुञ्जस्य परिचयः राष्ट्रवादी-विचारकः सक्रिय-कार्यकर्ता समाजस्य प्रति संवेदनशीलः व्यक्तिः इति आसीत्।

सरकार्यवाहः होसबाले गुरुवासरे डॉ.अम्बेडकर-अन्ताराष्ट्रिय-केन्द्रे आयोजितायां प्रार्थना-सभायां परिवारस्य प्रति संवेदनां व्यक्त्वा अवदत् यत् बलबीर-पुञ्जः सिख-इतिहासे अनुसंधानं कृतवान्। तेन देशस्य अद्यतन-इतिहासस्य अपि अध्ययनं कृत्वा जनान् तेन सह परिचितान् कृतवान्। विशेषतया सः युवान् लेखनाय प्रेरयति स्म। सः सत्यस्य मार्गे गच्छन् कदापि सन्धिम् न अकरोत्।

सः ‘मदर-लैण्ड्’ इत्यनेन सह पत्रकारितां प्रारब्धवान्, ‘नेशनल-यूनियन-ऑफ्-जर्नलिस्ट्स्’ इत्यस्य संचालनं कृतवान्। पत्रकारितायां तेन सम्मानः प्राप्तः, राजनीतौ अपि बहूनि कार्याणि कृतानि, राज्यसभायाः सदस्यः आसीत्। देशस्य पक्षे दृढतया स्थितः, भाषायां सशक्तः प्रतिनिधिः च सः सर्वेषां हृदयेषु सदा स्मरणीयः भविष्यति।

अस्मिन् अवसरे रक्षामन्त्री राजनाथ-सिंह-महाभागः अवदत् यत् बलबीर-पुञ्जः मुक्त-चिन्तकः आसीत्, राष्ट्रिय-विषयेषु तस्य चिन्तनं अद्वितीयम् आसीत्। राज्यसभायां विविध-विषयेषु सः सक्रियतया चर्चां कृतवान्, राष्ट्रिय-उपाध्यक्षरूपेण अपि सदा सहयोगं कृतवान्। तेन स्वीयानि सर्वाणि दायित्वानि सम्यक् निर्वाहितानि।

अस्मिन् अवसरे देहली-राज्यस्य मुख्यमन्त्री रेखा-गुप्ता-महाभागा अवदत् यत् बलबीर-पुञ्जस्य राष्ट्रचिन्तक-रूपेण विशिष्टं परिचयम् आसीत्। भाजपा-कार्यकर्तारः तम् प्रेरणास्रोत-रूपेण पश्यन्ति स्म। सः प्रकाश-पुञ्जवत् सर्वदा प्रकाशं वितरति स्म। तया परिवारस्य प्रति संवेदनाः व्यक्ताः।

अस्मिन् अवसरि बलबीर-पुञ्जस्य पुत्र्यौ श्वेता तथा मानसी अपि स्वान् भावान् व्यक्तवन्त्यौ।

अत्र केन्द्रीय-विधि-राज्यमन्त्री (स्वतन्त्र-प्रभारः) अर्जुनराम-मेघवालः, राष्ट्रिय-सुरक्षा-परामर्शदाता अजीत-डोभालः, संघस्य अखिल-भारतीय-प्रचार-प्रमुखः सुनील-आम्बेकरः, सांसदः रविशंकर-प्रसादः, अनिल-बलूनी, निशिकान्त-दुबे, बांसुरी-स्वराज, शहनवाज-हुसैनः, सुधांशु-महाराजः, प्रतिभा-आडवाणी, राजीव-शुक्लः, मेनका-गान्धी, स्वाति-मालिवालः, स्वामी-कैलाशानन्दः, संजय-मयूखः च उपस्थिताः आसन् तथा सर्वे बलबीर-पुञ्जस्य परिवारं प्रति संवेदनाः व्यक्तवन्तः।

हिन्दुस्थान समाचार / अंशु गुप्ता