Enter your Email Address to subscribe to our newsletters
जगदलपुर-नगरम्, ३० अप्रैलमासः (हि.स.)। छत्तीसगढ़-शासनस्य मन्तव्येन जन-जनपर्यन्तं जनकल्याणकारी-योजनानां लाभं प्रापयितुं आयोजितस्य ‘सुशासन-तिहार’ अन्तर्गतं अद्य जनपद-पञ्चायत-तोकापालस्य अन्तर्गतस्य ग्राम-पञ्चायत-‘पलवा (बाघनपाल)’ इत्यस्मात् एकं सुखदं चित्रं प्रकटितम्, यत्र पत्या: निधनानन्तरम् आर्थिक-क्लेशेन पीडिता लालिमा-ठाकुर-नाम्नी महिला शासन-योजनाभिः महत् सहायतां प्राप्तवती।
स्वस्य पत्यु: स्वर्गीय-संजय-ठाकुरस्य आकस्मिक-निधनानन्तरं लालिमा-ठाकुर-इत्यस्याः पुत्रस्य चन्दू-ठाकुरस्य च जीवन-यापनं प्रति गम्भीरः सङ्कटः उत्पन्नः आसीत्। परिस्थितिभिः बाधिता सा ‘सुशासन-तिहार’-कार्यक्रमे स्वपीडां निवेद्य ‘राष्ट्रीय-परिवार-सहायता-योजना’ तथा ‘इन्दिरा-गान्धी-राष्ट्रीय-विधवा-पेंशन-योजना’ अन्तर्गतं साहाय्यं याचितवती।
समाज-कल्याण-विभागेन विषयस्य संवेदनशीलतां दृष्ट्वा शीघ्रं कार्यवाही कृता। जनपद-पञ्चायतद्वारा ग्राम-पञ्चायतसह सम्पर्कं कृत्वा तस्याः आधार-पत्रम्, बैंक-पास-पुस्तिका, राशन-पत्रम्, बीपीएल-संख्या इत्यादीनि आवश्यक-कर्गदानि त्वरितं सङ्गृहीतानि। प्रमाणपत्राणां सत्यापनं पात्रता-परीक्षणं च कृत्वा विभागेन तस्यै शीघ्रमेव पेंशन-योजनायाः स्वीकृतिः प्रदत्ता।
एतेन शीघ्र-साहाय्येन प्रसन्नता प्रकटयन्ती सा उक्तवती यत् मुख्यमन्त्रिणः विष्णुदेव-सायस्य नेतृत्वे प्रवर्तमानेन ‘सुशासन-तिहार’ इत्यनेन तस्याः समस्याः स्थल एव निराकृताः। लालिमा-ठाकुरः तस्याः पुत्रः चन्दू-ठाकुरश्च एतस्मै मानवीय-प्रयत्नाय समये प्राप्तायै आर्थिक-सहायतायै च छत्तीसगढ़-सर्वकाराय धन्यवादं व्यक्तवन्तौ।
हिन्दुस्थान समाचार / अंशु गुप्ता