Enter your Email Address to subscribe to our newsletters
- आतंकवादाय धार्मिकवर्णदानं नक्सलवादः इव हिंसकचिंतनेन योजनं संकटास्पदम्
नवदिल्ली, 30 अप्रैलमासः (हि.स.)।रक्षा-मन्त्री राजनाथसिंहो गुरुवासरे नवदिल्ली-नगरे आयोजिते राष्ट्रिय-सुरक्षा-शिखर-सम्मेलने उक्तवान् यत् ‘ऑपरेशन-सिन्दूर’ इत्यनेन विश्वाय स्पष्टः सन्देशः दत्तः यत् कस्मिन्नपि परिस्थितौ आतंकवादस्य काचिदपि क्रिया न सह्यते। तेन ‘सर्जिकल-स्ट्राइक’, ‘एयर-स्ट्राइक’ तथा ‘ऑपरेशन-सिन्दूर’ एतत् संकटस्य विरुद्धं शासनस्य दृढ-संकल्पस्य प्रमाणानि इति निरूपितानि। सः विशेषतया उक्तवान् यत् आतंकवादः मिथ्या-दृष्टेः उद्भवति, यां धार्मिक-वर्णेन वा हिंसक-चिन्तया सम्बद्ध्य युक्तिसंगतं कर्तुं प्रयत्नः क्रियते।
रक्षा-मन्त्री उक्तवान् यत् आतंकवादः विकृतात् मिथ्या-चिन्तनात् जायते। एषः मानवतायाः उपरि एकः कृष्ण-कलङ्कः अस्ति। आतंकवाद-विरुद्धा संग्रामः केवलं राष्ट्रिय-सुरक्षायाः विषयः न, अपि तु मानवतायाः मूल्यमानानां रक्षणस्य यथार्थः संघर्षः अस्ति। एषा तादृशी वह्नि-सदृशी हिंस्र-चिन्तायाः विरुद्धा लढा, या सर्वेषां मानवानां मूल्यानां प्रत्यक्ष-विरोधिनी अस्ति। वयं देशे विदेशे च अस्य भारतीय-दृष्टिकोणस्य स्पष्टं निरूपणं कृतवन्तः। आतंकवादः केवलं राष्ट्र-विरोधी-कर्म न, अपि तु अस्य बहवः आयामाः सन्ति—सञ्चालनात्मकः, वैचारिकः, राजनैतिकश्च। एतेषां सर्वेषां पक्षाणां सम्यक् समाधानं विना तेन सह सामना कर्तुं न शक्यते।
सः पुनरुक्तवान् यत् यावत् आतंकवादः भविष्यति, तावत् सः सर्वेषां शान्तिं विकासं समृद्धिं च परिस्थितिं दास्यति। आतंकवादं धार्मिक-वर्णेन आरोप्य वा नक्सलवाद-इव हिंसक-चिन्तया सम्बद्ध्य तस्य समर्थनाय यत्नः क्रियते, यत् अत्यन्तं भयङ्करम् अस्ति तथा आतंकवादिनां साहाय्यं करोति, येन ते शनैः शनैः स्वस्य लक्ष्यं प्रति अग्रे गच्छेयुः।
आतंकवादे प्रति पाकिस्तानदेशस्य निरन्तर-सहयोगं प्रति टिप्पणीं कुर्वन् सः उक्तवान् यत् भारतं तथा पाकिस्तान-देशः समान-काले स्वातन्त्र्यं प्राप्तवन्तौ, किन्तु अद्य भारतः विश्वे ‘सूचना-प्रौद्योगिकी’ क्षेत्रे प्रसिद्धः अस्ति, यदा पाकिस्तानः ‘अन्ताराष्ट्रिय-आतंकवादस्य’ केन्द्ररूपेण ज्ञायते।
रक्षा-मन्त्री ‘ऑपरेशन-सिन्दूर’ इत्यस्य उदाहरणेन भारतीय-सैन्य-बलानां समन्वित-कार्यप्रणालीं प्रशंसितवान्। तेन उक्तं यत् त्रयः अपि सेनाः सम्यक् योजना-अनुसारं सहकार्यं कृतवन्तः, येन स्पष्टं जातम् यत् भारतस्य सैन्य-शक्ति: अद्य केवलं पृथक् न कार्यं करोति, अपि तु संयुक्ता, समन्विता, वैश्विका शक्ति: रूपेण उदिता अस्ति। सः अपि उक्तवान् यत् ‘ऑपरेशन-सिन्दूर’-काले भारतः कस्यचित् भ्रमे वा आणविक-आक्रमण-धम्क्या न विचलितः, अपि तु निर्दिष्ट-लक्ष्यानि सफलतया साधितवान्। एषः तादृशः भारतः अस्ति यः आतंकवादं तस्य प्रायोजकान् च मध्ये किञ्चिदपि भेदं न करोति। -----------
हिन्दुस्थान समाचार