प्रभासस्य गतचित्रं द राजा साब नामकं यद्यपि बॉक्स ऑफिसे सामान्यफलदायकं जातम् तथापि अधुना तस्य आगामि चलचित्राणां विषये दर्शकेषु महान् उत्साहः दृश्यते। विशेषतः स्पिरिट नामकस्य चलचित्रस्य विषये चर्चाः तीव्राः भवन्ति यस्य निर्देशनं संदीप रेड्डी वाङ्गा करोति। एषा चलचित्रकृति २०२७ तमे वर्षे प्रदर्शिता भविष्यति किन्तु तस्मात् पूर्वं प्रभासः अस्मिन् एव वर्षे फौजी नामकस्य चलचित्रस्य माध्यमेन प्रशंसकान् महत् उपहारं दातुं शक्नोति।

वार्तानुसारं हनु राघवपुडि इत्यस्य निर्देशनाधीना पीरियड् एक्शन नाट्यरूपा फौजी नाम्नी चलचित्रकृतिः शीघ्रं अन्तिमचरणं प्रति गच्छति। मैत्री मूवी मेकर्स इत्यस्य मुख्यकार्यकारी अधिकारी चेरी इत्यस्य कथनानुसारं चलचित्रस्य प्रायः ८० प्रतिशतं चित्रणकार्यं सम्पन्नं जातम् तथा प्रभासस्य किञ्चन क्रियादृश्यानि एव अवशिष्टानि सन्ति। निर्माता इदं चलचित्रं अक्तूबर मासे प्रदर्शयितुं योजनां कुर्वन्ति किन्तु आधिकारिकतिथिः अद्यापि न घोषिताऽस्ति।

अस्मिन् चलचित्रे प्रभासेन सह इमानवी अपि दृश्यते तथा मिथुन चक्रवर्ती जया प्रदा इत्यादयः विख्याताः कलाकाराः प्रमुख भूमिकासु सन्ति। विशाल कलाकारसमूहः तथा ऐतिहासिक पृष्ठभूमिः एतत् चलचित्रं अस्य वर्षस्य बहुप्रतीक्षित चलचित्रेषु एकं कृतवती।

प्रभासस्य आगामिनां चलचित्राणां सूची अपि अत्यन्तं सुदृढा अस्ति यस्मिन् कल्कि २८९८ एडी इत्यस्य अनुवर्तनम् सलार भाग २ तथा स्पिरिट इत्यादयः प्रमुखाः परियोजनाः सन्ति। यदि फौजी समये एव प्रदर्शिता भवति तर्हि दर्शकाः एकस्मिन् वर्षे एव प्रभासस्य द्वे चलचित्रे अनुभवितुं शक्नुवन्ति येन तस्य प्रशंसकानां उत्सुकता अधिकं वर्धिता अस्ति।

हिन्दुस्थान समाचार