जम्मूः, 30 अप्रैलमासः (हि.स.)।

रेलमन्त्री अश्विनी वैष्णवो गुरुवासरे जम्मूतः कट्रापर्यन्तं विस्तारितायाः वन्दे भारत एक्सप्रेस् रेलयानस्य शुभारम्भसमये घोषितवान् यत् जम्मू–श्रीनगर रेलमार्गे पथद्विगुणीकरणस्य कार्यं क्रियते, येन अधिकानि रेलयानानि सञ्चालितुं शक्यन्ते। सः अपि बलं दत्तवान् यत् रेलसुरक्षार्थं संरक्षणार्थं च अनुरक्षणप्रक्रियाणां सुदृढीकरणं अत्यन्तं आवश्यकम् अस्ति।

जम्मू रेलस्थानके आयोजिते कार्यक्रमे स्वसम्बोधने सः उक्तवान् यत् अनुरक्षणप्रक्रियाः अस्माकं प्राथमिकता अस्ति। अनन्तरं लक्ष्यं भवति जम्मूतः श्रीनगरपर्यन्तं रेलमार्गस्य क्षमता वर्धयितुम्। काजीगुण्डतः अरिनगरपर्यन्तं रेखायाः द्विगुणीकरणेन अस्माभिः अधिकाः रेलयानाः सञ्चालयितुं शक्यन्ते। एषा तकनीकः यूरोपदेशेषु अपि प्रयुज्यते, तथा च अस्याः उपयोगः जम्मू–कश्मीरप्रदेशे अपि क्रियते। अस्य रेलमार्गस्य कारणेन मालपरिवहने महान् लाभः जातः। कश्मीरप्रदेशात् दिल्लीपर्यन्तं द्विकोटि किलोग्रामपरिमितं सेबफलस्य परिवहनं कृतम्, तथा च चेरीफलस्य कृते द्वात्रिंशत् डिब्बाः आरक्षिताः।

वैष्णवः उक्तवान् यत् जम्मू–कटरा–श्रीनगरमार्गे सञ्चलिता वन्दे भारत एक्सप्रेस महद्यानं सफलतां प्राप्तवती अस्ति। अस्यां सर्वाः आसन्द्यः सदा पूर्णाः भवन्ति, यात्रिकाणां संख्या अधिका अस्ति, तथा च उन्नतप्रौद्योगिक्याः कारणेन अतीव शीततायाम् अपि एषा सुचारुरूपेण धावति। सः उक्तवान् यत् प्रधानमन्त्रिणा कट्रातः श्रीनगरपर्यन्तं मार्गस्य तथा च विश्वस्य अत्युच्चस्य चिनाब सेतु उद्घाटनं कृतम्, यस्य परिणामरूपेण एषा रेलयानसेवा अत्यन्तं लोकप्रियाभवत्। अद्यावधि पञ्चलक्षाधिकाः यात्रिकाः अस्यां यात्रां कृतवन्तः।

एषा रेलयानसेवा डोगरी–काश्मीरीभोजनानाम् अपि सेवा प्रददाति। एषा रेलयानं ऋणदशाङ्क (–10) अंशपरिमिते तापमाने अपि सञ्चालितुं शक्नोति, तथा च अस्य जलवाहिन्यः एवं विनिर्मिताः यत् जलं न जमति। पूर्वस्मिन् हिमपातकाले अस्य परीक्षणं कृतम्, ततः आधारेण नवस्य विंशतिबोगीयुक्तस्य संस्करणस्य निर्माणं कृतम्। अस्मिन् उच्चस्तरीयवैद्युतयन्त्राणि स्थापिताानि सन्ति, तथा च त्रिसहस्रसंख्यकाः सूक्ष्मचिप्स् अपि स्थापिताः सन्ति।

अस्मिन् कार्यक्रमे उमर अब्दुल्ला तथा च जितेन्द्र सिंह अपि उपस्थितौ स्तः। स्वसम्बोधने अब्दुल्ला उक्तवान् यत् अद्य जम्मू–श्रीनगरयोः संयोजनं सम्पन्नम्। पूर्वं अष्टबोगीयुक्ता रेलयानसेवा अधुना विंशतिबोगीयुक्ता जाता, येन एकस्मिन् काले चतुर्दशशतं (१४००) जनाः यात्रां कर्तुं शक्नुवन्ति। अस्य रेलमार्गस्य कारणेन सीमेण्टादीनि वाहनानि च श्रीनगरं प्रति प्रेष्यन्ते, तथा च कश्मीरप्रदेशात् फलानि अन्येषु राज्येषु निर्यात्यन्ते। तेन उक्तं यत् जम्मू–कश्मीरप्रदेशे ‘ड्राई पोर्ट्’ इति सुविधायाः आवश्यकता अस्ति।

एतस्मिन्नन्तरे नरेन्द्र मोदी तथा वैष्णवस्य प्रयत्नाभ्यां कश्मीरघाट्याः दीर्घकालपर्यन्तं प्रतीक्षितः रेलसम्पर्कः सम्पन्नः इति जितेन्द्रसिंहेन उक्तम्। सः उक्तवान् यत् १९७२ तमे वर्षे रेलयानं जम्मूपर्यन्तं प्राप्तम्, ततः द्विचत्वारिंशद्वर्षाणां अनन्तरं कट्रां प्राप्तम्। २०१४ तमे वर्षे मोदीना कट्रा रेलस्थानकस्य उद्घाटनं कृतम्, तथा च अधुना श्रीनगरपर्यन्तं सम्पूर्णं कार्यं सम्पन्नम्।

उल्लेखनीयं यत् एषा रेलयानसेवा या पूर्वं श्रीनगरात् श्रीमाता वैष्णोदेवी कट्रापर्यन्तं सञ्चलिता आसीत्, अधुना जम्मू तवीपर्यन्तं विस्तृता अस्ति, येन आधुनिकतमं रेलयानं प्रत्यक्षतया जम्मू–कश्मीरप्रदेशस्य मुख्यनगरं प्रति गच्छति। २०२५ तमे वर्षे जूनमासस्य षष्ठदिनाङ्के मोदिना अस्याः रेलयानसेवायाः शुभारम्भः कृतः। तदा अष्टबोगीयुक्ता आसीत्, अधुना यात्रिकाणां अधिकमागध्यानुसारं विंशतिबोगीयुक्ता कृता, येन यात्राक्षमता द्विगुणात् अधिका जाता, विशेषतः तीर्थयात्राकाले पर्यटनकाले च आरक्षणभागो न्यूनीकृतः भवति।

---------------

हिन्दुस्थान समाचार