Enter your Email Address to subscribe to our newsletters
हरिद्वार-नगरम्, ३० अप्रैलमासः (हि.स.)। नगरे स्थिते पतञ्जलि-विश्वविद्यालये गुरुवासरे केन्द्रीय-जनजातीय-कार्य-मन्त्रालयस्य पक्षतः द्विदिवसीयं ‘चिन्तन-शिविरम्’ आयोजितम्।
अस्मिन् अवसरे केन्द्रीय-जनजातीय-कल्याण-मन्त्री जुएल-ओराम-महाभागः अवदत् यत् जनजातीय-संस्कृतिः, परम्परा जीवन-शैली च समृद्धाः सन्ति, तेषां विकासः, तेषां परिचयः तथा सांस्कृतिक-धरोहरस्य संरक्षणं कृत्वा भविष्यति। कार्यक्रमे राज्यमन्त्री दुर्गादास-उइके-महाभागः ऐतिहासिक-उदाहरणैः जनजातीय-समाजस्य गौरवं योगदानं च प्रकाशितवान्। मन्त्रालयस्य सचिवः मनीष-ठाकुर-महाभागः समावेशी-विकासं प्राकृतिक-संसाधनानां रक्षणं च प्रति बलम् अयच्छत्, यदा सचिवा रञ्जना-चोपड़ा-महाभागा जनजातीय-समुदायान् पर्यावरण-रक्षकान् इति अवदत्।
शिविरे आचार्य-बलकृष्णः योगऋषिः स्वामी-रामदेवः च आयुर्वेद-योगयोः माध्यमेन जनजातीय-स्वास्थ्यं सशक्तीकरणं च प्रति बलं दत्तवन्तौ। शिविरे शिक्षा, आजीविका, स्वास्थ्यं, संस्कृति-संरक्षणं तथा डिजिटल-सशक्तीकरणम् इत्यादिषु विषयेषु चर्चा अभवत्। कार्यक्रमस्य समापनं अतिथीनां प्रति आभार-प्रदर्शनेन विश्वविद्यालयस्य प्रयासानां प्रशंसया च अभवत्।
अस्य कार्यक्रमस्य उद्देश्यः जनजातीय-समुदायानां समग्र-विकासं सशक्तीकरणं च सुनिश्चितुं आसीत्। अस्मिन् विविध-राज्यानां प्रधान-सचिवाः, वरिष्ठ-अधिकारीणः, विशेषज्ञाः जनजातीय-क्षेत्रस्य प्रतिनिधयः च सहभागं कृतवन्तः। पतञ्जलि-विश्वविद्यालयस्य कुलपतिः आचार्य-बलकृष्णः तथा स्वामी-रामदेवः अतिथीन् प्रावार-माल्य-स्मृति-चिह्नैः सत्कारं कृत्वा स्वागतं कृतवन्तौ।
हिन्दुस्थान समाचार / अंशु गुप्ता