लखनऊ-नगरम्, ३० अप्रैलमासः (हि.स.)। उत्तरप्रदेश-विधानसभायाः एकदिवसीये विशेष-सत्रे नारी-शक्ति-वन्दन-अधिनियमस्य विरोधं कुर्वतां विरुद्धं निन्दा-प्रस्तावः ध्वनि-मत्या पारितः। अस्मिन् चर्चायां मुख्यमन्त्रिणा योगी-आदित्यनाथेन सह ३३ सदस्याः सहभागिन: अभवन्। सत्तापक्षेन विपक्षः नारी-सशक्तीकरण-विरोधी इति निर्दिष्टः, यदा विपक्ष-नेता माता-प्रसाद-पाण्डेयः प्रस्तावस्य विरोधं कृतवान्।

गुरुवासरे नारी-सशक्तीकरण-विषये राज्य-सरकारेण विधानसभा-विशेष-सत्रम् आहूतम्। पूर्वाह्णे ११ वादने आरभ्य सायं प्रायः पञ्चवादनात् अर्धाधिक-समयं यावत् अस्मिन् विषये चर्चा अभवत्। अस्मिन् काले राज्यस्य वित्त-संसदीय-कार्य-मन्त्री सुरेश-खन्ना-महाभागः लोकसभायां नारी-वन्दन-अधिनियमस्य विरोधं कुर्वतां विरुद्धं निन्दा-प्रस्तावं प्रस्तुतवान्। सः अवदत् यत् भाजपा-सर्वकारः राजनीतौ महिलानां सहभागितां सुनिश्चितुं पूर्णतया प्रतिबद्धा अस्ति। यावत् नारी-शक्तेः नीति-निर्धारणे समुचिताः संवैधानिक-अधिकाराः न लभ्यन्ते, तावत् वयं नारी-सशक्तीकरण-विरोधिनः निन्दाम् अनुवर्तिष्यामः। प्रस्तावे उक्तं यत् नारी-सुरक्षा-मान-स्वावलम्बन-परिप्रेक्ष्ये भारतस्य संसदे नारी-शक्ति-वन्दन-अधिनियमस्य संशोधने बाधकाः अभवन् ये सपा-काङ्ग्रेस-ध्वज-संघटनस्य दलाः, तेषां नारी-सशक्तीकरण-विरोधि-आचरणस्य एतत् सदनं निन्दां करोति।

मुख्यमन्त्री उक्तवान् यत् अधिनियमेन महिलानां अधिकाराः सुदृढीक्रियन्ते, विपक्षस्य व्यवहारः तु नारी-विरोधी अस्ति। अन्ततः सत्तापक्षस्य बहुसंख्यया निन्दा-प्रस्तावः पारितः।

प्रातःकाले कार्यवाह्याः आरम्भात् पूर्वं विपक्ष-दलस्य समाजवादी-पक्षस्य सदस्याः चौधरी-चरण-सिंहस्य प्रतिमायाः समीपे आंशिक-धरणं कृतवन्तः। अपरं सत्तापक्षस्य महिला-सदस्याभिः नेतृत्वे भाजपा-विधायकाः मन्त्रिणः च पदयात्रया सदनं प्रति गतवन्तः। तेषां हस्तेषु नारी-शक्ति-वन्दन-अधिनियमस्य समर्थनार्थं तथा तस्य विरोधिनां विरुद्धं घोषवाक्यानि लिखितानि आसन्।

हिन्दुस्थान समाचार / अंशु गुप्ता