Enter your Email Address to subscribe to our newsletters
नवदिल्ली, 05 अप्रैलमासः (हि.स.)। ‘
‘एकः वृक्षः मातुः नाम्नि’ इति रविवासर-अभियानस्य अन्तर्गतं जनभागीदारीवृद्धये नव दिल्ली नगरपालिका परिषदः उपाध्यक्षः कुलजीत सिंह चहल अद्य नई दिल्ली स्थिते तिकोणापार्क इत्यत्र लक्ष्मीबाईनगरमार्केटक्षेत्रे (केन्द्रीयशासकीयअधिकारीणां आरडब्ल्यूए प्रकार-३ तथा ४, लक्ष्मीबाईनगर) वृक्षारोपणकार्यक्रमस्य नेतृत्वं कृतवान्।
चहलेन स्थानीयनिवासिभिः सह वृक्षारोपणं कृत्वा उक्तं यत् “एकः वृक्षः मातुः नाम्नि” इत्ययं अभियानः प्रधानमन्त्रिणः प्रेरणया आरब्धः भावनात्मकः सामाजिकः च जन-अभियानः अस्ति, यस्य माध्यमेन जनाः स्वमातुः सम्मानार्थं एकं वृक्षं रोपयितुं पर्यावरणसंरक्षणे योगदानं दातुं च प्रेर्यन्ते।
सः अवदत् यत् एतत् अभियानं केवलं वृक्षारोपणपर्यन्तं सीमितः नास्ति, अपि तु प्रकृतेः प्रति सम्मानस्य सामाजिकदायित्वस्य च भावनां वर्धयन् आगामिनां पीढीनां कृते स्वच्छं हरितं च वातावरणं सुनिश्चितं कर्तुं संकल्पः अपि अस्ति।
चहलेन उक्तं यत् पालिकया वर्षपर्यन्तं “ग्रीन कैलेंडर” नाम योजना निर्मिता, यस्य अन्तर्गतं प्रत्येकरविवासरे क्षेत्रस्य विभिन्नेषु स्थलेषु वृक्षारोपण-अभियानं सञ्चालयिष्यते।
सः अवदत् यत् एनडीएमसी संस्थायाः हरितप्रयत्नाः नागरिकसेवासम्बद्धाः क्रियाकलापाः च प्रधानमन्त्रिणः “विकसितभारत@२०४७” इति दृष्टेः अनुरूपाः सन्ति, यत्र स्वच्छवायुः स्वस्थपर्यावरणं सतत-नगरविकासः च विशेषमहत्त्वं धारयन्ति। एतेषां अभियानानां माध्यमेन एनडीएमसी केवलं हरितक्षेत्रवृद्धिं न करोति, अपि तु नागरिकेषु पर्यावरणसंरक्षणस्य सामूहिकदायित्वस्य च भावनां अपि सुदृढां करोति।
---------------
हिन्दुस्थान समाचार