Enter your Email Address to subscribe to our newsletters
माले, 05 अप्रैलमासः (हि.स.)।
मालदीव देशे सम्पन्ने महत्त्वपूर्णे निर्वाचनस्पर्धायां सत्तारूढदले महान् आघातः प्राप्तः। संवैधानिकजनमतसंग्रहे तथा मेयरनिर्वाचनेषु विपक्षीयदलं मालदीवियन डेमोक्रेटिक पार्टी सुदृढं प्रदर्शनं कृत्वा अग्रतां प्राप्तवती, येन सरकारस्य स्थिति दुर्बला इव दृश्यते। एते परिणामाः मोहम्मद मुइज़्ज़ू नेतृत्वे स्थितस्य सत्तारूढदलस्य पीपल्स नेशनल कांग्रेस कृते महती राजनैतिकपरीक्षा इति मन्यन्ते।
प्रारम्भिकाङ्कानुसारं बहुसंख्यकाः मतदातारः प्रस्तावितान् संवैधानिकपरिवर्तनान् अस्वीकृतवन्तः, तथा मेयरनिर्वाचनेषु अपि विपक्षीयदलेन प्रमुखासु आसन्दिषु विजयः प्राप्तः। अनाडोलूसंस्थायाः प्रतिवेदनानुसारं सत्तारूढदलाय महद् आघातः अभवत्, यतः तेन संवैधानिकजनमतसंग्रहे तथा मेयरपदस्पर्धायां पराजयः प्राप्तः। एषः निर्वाचनः राष्ट्रपतेः मोहम्मदमुइज़्ज़ू इत्यस्य कृते परीक्षा इव आसीत्।
प्रतिवेदनानुसारं गणितेषु मतपत्रेषु प्रायः सप्ततिशतांशः जनाः जनमतसंग्रहस्य विरोधं कृतवन्तः। महापौरनिर्वाचने विपक्षीयदलम् एमडीपी पञ्चसु नगरेषु सर्वासु मेयरासन्दिषु विजयम् अलभत। अपरतः सत्तारूढदलेन पीएनसी ४९८ परिषदासु आसन्दिषु २२० आसन्दयः प्राप्ताः, यदा एमडीपी २०७ आसन्दयः प्राप्तवती।
मालदीवदेशे शनिवासरे स्थानीयपरिषदनिर्वाचनानि, महिला-विकास-समितेः निर्वाचनानि, राष्ट्रव्यापिजनमतसंग्रहश्च एकस्मिन् दिने आयोजिताः। अस्मिन् विषये अपि मतदानं कृतं यत् राष्ट्रपतेः संसदीयनिर्वाचनयोः एकस्मिन् दिने आयोजनं करणीयं वा इति। निर्वाचनायोगेन आधिकारिकपरिणामानां घोषणा सायंकालपर्यन्तं कर्तुं अपेक्ष्यते।
एमडीपी-समर्थकाः स्वविजयस्य उत्सवाय माले नगरे “आर्टिफिशियल बीच” इति स्थले समागताः। मालेनगरपरिषदः आसन्दिं जितवान् वर्तमानमेयरः एडम अज़ीम, यः द्वितीयवारं निर्वाचितः, सः अपि अस्मिन् उत्सवे सहभागी अभवत्।
अयं जनमतसंग्रहः १० फरवरी दिने संसदेन अनुमोदितेन प्रस्तावितेन संवैधानिकसंशोधनेन सम्बद्धः। एते परिवर्तनाः राष्ट्रपतिनिधनसभानिर्वाचनयोः एकत्र आयोजनं कर्तुं तथा संसदीयकार्यकालस्य निश्चितारम्भतिथिं निर्धारयितुं अनुमन्यन्ते।------------------------
हिन्दुस्थान समाचार