Enter your Email Address to subscribe to our newsletters
वाराणसी, 05 अप्रैलमासः(हि. स.)।
उत्तरप्रदेशस्य वाराणसी-जिलायाः रोहनिया-स्थिते भारतीय-जनता-पार्टी (भाजपा) इत्यस्य काशी-क्षेत्र-कार्यालये रविवासरे क्षेत्रीय-अध्यक्षः दिलीपपटेलः तथा पदाधिकारीणः कार्यालय-परिसरे स्वच्छता-कार्यं कृतवन्तः।
क्षेत्रीय-अध्यक्षः दिलीपपटेलः प्रथमं झाडूना भूमिं मार्जितवान्, अनन्तरं जलस्य प्रयोगेन तां प्रक्षाल्य स्वच्छां कृतवान्।
भाजपा-क्षेत्रीय-अध्यक्षः दिलीपपटेलः उक्तवान् यत् भारतीय-जनतादलस्य स्थापना ६ अप्रैल १९८० तमे वर्षे अभवत्। भाजपा-कार्यालयः अस्माकं कार्यकर्तृणां कृते संस्कारस्य पाठशाला इव, मन्दिरस्य सदृशं च अस्ति। अस्य एव मन्दिरस्य प्राङ्गणं अद्य स्वच्छता-कार्येण शोभितं कृतम्। श्वः अस्मिन् एव परिसरे भाजपा-स्थापना-दिवसः उत्सवेन आचरिष्यते।
अस्मिन् अवसरे वाराणसी-जिला-अध्यक्षः तथा एमएलसी हंसराजविश्वकर्मा, क्षेत्र-मन्त्री राजेशराजभरः, प्रवीणसिंहगौतमः, सुरेन्द्रपटेलः, प्रकाशशुक्लः, डॉ. जेपी दुबे, ऊषामौर्या, पवनसिंहः, अरविन्दपटेलः, विपिनपालः इत्यादयः प्रमुखतया स्वच्छता-कार्ये सहभागिनः आसन्।
-----------------
हिन्दुस्थान समाचार